Jagannatha Sahasranamam - Kannada

ಶ್ರೀಜಗನ್ನಾಥಸಹಸ್ರನಾಮಸ್ತೋತ್ರಮ್
॥ ಶ್ರೀಜಗನ್ನಾಥಸಹಸ್ರನಾಮಸ್ತೋತ್ರಮ್ ॥
॥ ಓಂ ಶ್ರೀಜಗನ್ನಾಥಾಯ ನಮೋ ನಮಃ ॥

ಪ್ರಾರ್ಥನಾ
ದೇವ-ದಾನವ-ಗನ್ಧರ್ವ / ಯಕ್ಷ-ವಿದ್ಯಾಧರೋರಗೈಃ ।
ಸೇವ್ಯಮಾನಂ ಸದಾ ಚಾರು / ಕೋಟಿಸೂರ್ಯ-ಸಮಪ್ರಭಮ್ ॥ ೧॥

ಧ್ಯಾಯೇನ್ನಾರಾಯಣಂ ದೇವಂ / ಚತುರ್ವರ್ಗ-ಫಲಪ್ರದಮ್ ।
ಜಯ ಕೃಷ್ಣ ಜಗನ್ನಾಥ / ಜಯ ಸರ್ವಾಧಿನಾಯಕ ॥ ೨॥

ಜಯಾ-ಶೇಷ-ಜಗದ್-ವಂದ್ಯ / ಪಾದಾಮ್ಭೋಜ ನಮೋಽಸ್ತು ತೇ ॥ ೩॥

ಯುಧಿಷ್ಠಿರ ಉವಾಚ
ಯಸ್ಯ ಪ್ರಸಾದಾತ್ತು ಸರ್ವಂ / ಯಸ್ತು ವಿಷ್ಣುಪರಾಯಣಃ ।
ಯಸ್ತು ಧಾತಾ ವಿಧಾತಾ ಚ / ಯಶ್ಚ ಸತ್ಯಂ ಪರೋ ಭವೇತ್ ॥ ೧॥

ಯಸ್ಯ ಮಾಯಾಮಯಂ ಜಾಲಂ / ತ್ರೈಲೋಕ್ಯಂ ಸಚರಾಚರಮ್ ।
ಮರ್ತ್ಯಾಂಶ್ಚ ಮೃಗತೃಷ್ಣಾಯಾಂ / ಭ್ರಾಮಯತ್ಯಪಿ ಕೇವಲಮ್ ॥ ೨॥

ನಮಾಮ್ಯಹಂ ಜಗತಪ್ರೀತ್ಯಾ / ನಾಮಾನಿ ಚ ಜಗತ್ಪತಿಮ್।
ಬೃಹತ್ಯಾ ಕಥಿತಂ ಯಚ್ಚ / ತನ್ಮೇ ಕಥಯ ಸಾಮ್ಪ್ರತಮ್ ॥ ೩॥

ಭೀಷ್ಮ ಉವಾಚ
ಯುಧಿಷ್ಠಿರ ಮಹಾಬಾಹೋ / ಕಥಯಾಮಿ ಶೃಣುಷ್ವ ಮೇ ।
ಜಗನ್ನಾಥಸ್ಯ ನಾಮಾನಿ / ಪವಿತ್ರಾಣಿ ಶುಭಾನಿ ಚ ॥ ೧॥

ಮಾಯಯಾ ಯಸ್ಯ ಸಂಸಾರೋ / ವ್ಯಾಪೃತಃ ಸಚರಾಚರಃ ।
ಯಸ್ಯ-ಪ್ರಸಾದಾದ್-ಬ್ರಹ್ಮಾಣಂ / ಸೃಷ್ಟ್ವಾ ಪಾತಿ ಚ ಸರ್ವದಾ ॥ ೨॥

ಬ್ರಹ್ಮಾದಿ-ದಶ-ದಿಕ್ಪಾಲಾನ್ / ಮಾಯಾ-ವಿಮೋಹಿತಾನ್ ಖಲು ।
ಯಸ್ಯ ಚೇಷ್ಟಾವರೋಹಶ್ಚ / ಬ್ರಹ್ಮಾಣ್ಡ-ಖಣ್ಡ-ಗೋಚರಃ ॥ ೩॥

ದಯಾ ವಾ ಮಮತಾ ಯಸ್ಯ / ಸರ್ವಭೂತೇಷು ಸರ್ವಗಃ ।
ಸತ್ಯ-ಧರ್ಮ-ವಿಭೂಷಸ್ಯ / ಜಗನ್ನಾಥಸ್ಯ ಸರ್ವತಃ ॥ ೪॥
ಕಥಯಾಮಿ ಸಹಸ್ರಾಣಿ / ನಾಮಾನಿ ತವ ಚಾನಘ ॥ ೫॥

ಅಥ ಶ್ರೀಜಗನ್ನಾಥಸ್ಯ ಸಹಸ್ರನಾಮಸ್ತೋತ್ರಮ್ ।

ಅಥ ವಿನಿಯೋಗಃ ।
ಅಸ್ಯ ಮಾತೃಕಾ ಮನ್ತ್ರಸ್ಯ, ವೇದವ್ಯಾಸೋ ಋಷಿಃ, ಅನುಷ್ಟುಪ್ಛನ್ದಃ, ಶ್ರೀಜಗನ್ನಾಥೋ ದೇವತಾ, ಭಗವತಃ ಶ್ರೀಜಗನ್ನಾಥಸ್ಯ ಪ್ರೀತ್ಯರ್ಥೇ ಸಹಸ್ರನಾಮ ಪಠನೇ ವಿನಿಯೋಗಃ ।

ಧ್ಯಾನಮ್
ನೀಲಾದ್ರೌ ಶಂಖ-ಮಧ್ಯೇ ಶತದಲ-ಕಮಲೇ ರತ್ನಸಿಂಹಾಸನಸ್ಥಂ /
ಸರ್ವಾಲಂಕಾರ-ಯುಕ್ತಂ ನವಘನ-ರುಚಿರಂ ಸಂಯುತಂ ಚಾಗ್ರಜೇನ ।
ಭದ್ರಾಯಾ ವಾಮಭಾಗೇ ರಥಚರಣಯುತಂ ಬ್ರಹ್ಮರುದ್ರೇಂದ್ರವಂದ್ಯಂ
ವೇದಾನಾಂ ಸಾರಮೀಶಂ ಸ್ವಜನಪರಿವೃತಂ ಬ್ರಹ್ಮದಾರು ಸ್ಮರಾಮಿ ॥

ಶ್ರೀಭಗವಾನುವಾಚ
ಚತುರ್ಭುಜೋ ಜಗನ್ನಾಥಃ / ಕಣ್ಠಶೋಭಿತ-ಕೌಸ್ತುಭಃ ।
ಪದ್ಮನಾಭೋ ವೇದಗರ್ಭಃ / ಚಂದ್ರಸೂರ್ಯ ವಿಲೋಚನಃ ॥ ೧॥

ಜಗನ್ನಾಥೋ ಲೋಕನಾಥೋ / ನೀಲಾದ್ರೀಶಃ ಪರೋ ಹರಿಃ ।
ದೀನ-ಬಂಧುರ್-ದಯಾಸಿಂಧುಃ / ಕೃಪಾಲುಃ ಜನರಕ್ಷಕಃ ॥ ೨॥

ಕಂಬುವ್ಪಾಣಿಃ ಚಕ್ರಪಾಣಿಃ / ಪದ್ಮನಾಭೋ ನರೋತ್ತಮಃ ।

ಜಗತಾಂ ಪಾಲಕೋ ವ್ಯಾಪೀ / ಸರ್ವವ್ಯಾಪೀ ಸುರೇಶ್ವರಃ ॥ ೩॥

ಲೋಕರಾಜೋ ದೇವರಾಜಃ / ಶಕ್ರೋ ಭೂಪಶ್ಚ ಭೂಪತಿಃ ।
ನೀಲಾದ್ರಿ-ಪತಿ-ನಾಥಶ್ಚ / ಅನಂತಃ ಪುರುಷೋತ್ತಮಃ ॥ ೪॥

ತಾರ್ಕ್ಷ್ಯೋಧ್ಯಾಯಃ ಕಲ್ಪತರುಃ / ವಿಮಲಾಪ್ರೀತಿವರ್ದ್ಧನಃ ।
ಬಲಭದ್ರೋ ವಾಸುದೇವೋ / ಮಾಧವೋ ಮಧುಸೂದನಃ ॥ ೫॥

ದೈತ್ಯಾರಿಃ ಪುಣ್ಡರೀಕಾಕ್ಷೋ / ವನಮಾಲೀ ಬಲಪ್ರಿಯಃ ।
ಬ್ರಹ್ಮಾ ವಿಷ್ಣುಃ ವೃಷ್ಣಿವಂಶೋ / ಮುರಾರಿಃ ಕೃಷ್ಣಕೇಶವಃ ॥ ೬॥

ಶ್ರೀರಾಮಃ ಸಚ್ಚಿದಾನನ್ದೋ / ಗೋವಿನ್ದಃ ಪರಮೇಶ್ವರಃ ।
ವಿಷ್ಣುರ್ಜಿಷ್ಣುರ್ಮಹಾವಿಷ್ಣುಃ / ಪ್ರಭವಿಷ್ಣುರ್ಮಹೇಶ್ವರಃ ॥ ೭॥

ಲೋಕಕರ್ತಾ ಜಗನ್ನಾಥೋ / ಮಹಾಕರ್ತಾ ಮಹಾಯಶಾಃ ।
ಮಹರ್ಷಿಃ ಕಪಿಲಾಚಾರ್ಯೋ / ಲೋಕಚಾರೀ ಸುರೋ ಹರಿಃ ॥ ೮॥

ಆತ್ಮಾ ಚ ಜೀವಪಾಲಶ್ಚ / ಶೂರಃ ಸಂಸಾರಪಾಲಕಃ ।
ಏಕೋನೈಕೋ ರಮಾಪ್ರಿಯೋ / ಬ್ರಹ್ಮವಾದೀ ಮಹೇಶ್ವರಃ ॥ ೯॥

ದ್ವಿ-ಭುಜಶ್ಚ ಚತುರ್ಬಾಹುಃ / ಶತಬಾಹುಃ ಸಹಸ್ರಕಃ ।
ಪದ್ಮಪತ್ರವಿಶಾಲಾಕ್ಷಃ / ಪದ್ಮಗರ್ಭಃ ಪರೋ ಹರಿಃ ॥ ೧೦॥

ಪದ್ಮಹಸ್ತೋ ದೇವಪಾಲೋ / ದೈತ್ಯಾರಿರ್-ದೈತ್ಯ-ನಾಶನಃ ।
ಚತುರ್ಮೂರ್ತಿಶ್ಚತುರ್ಬಾಹುಃ / ಚತುರಾನನಸೇವಿತಃ ॥ ೧೧॥

ಪದ್ಮಹಸ್ತಶ್ಚಕ್ರಪಾಣಿಃ / ಶಙ್ಖಹಸ್ತೋ ಗದಾಧರಃ ।
ಮಹಾವೈಕುಣ್ಠವಾಸೀ ಚ / ಲಕ್ಷ್ಮೀಪ್ರೀತಿಕರಃ ಸದಾ ॥ ೧೨॥

ವಿಶ್ವನಾಥಃ ಪ್ರೀತಿದಶ್ಚ / ಸರ್ವದೇವಪ್ರಿಯಂಕರಃ ।
ವಿಶ್ವವ್ಯಾಪೀ ದಾರುರೂಪಃ / ಚಂದ್ರ-ಸೂರ್ಯ-ವಿಲೋಚನಃ ॥ ೧೩॥

ಗುಪ್ತಗಙ್ಗೋಪಲಬ್ಧಿಶ್ಚ / ತುಲಸೀಪ್ರೀತಿ-ವರ್ದ್ಧನಃ ।
ಜಗದೀಶಃ ಶ್ರೀನಿವಾಸಃ / ಶ್ರೀಪತಿಃ ಶ್ರೀಗದಾಗ್ರಜಃ ॥ ೧೪॥

ಸರಸ್ವತೀಮೂಲಾಧಾರಃ / ಶ್ರೀವತ್ಸಃ ಶ್ರೀದಯಾನಿಧಿಃ ।
ಪ್ರಜಾಪತಿಃ ಭೃಗುಪತಿರ್ / ಭಾರ್ಗವೋ ನೀಲಸುನ್ದರಃ ॥ ೧೫॥

ಯೋಗಮಾಯಾಗುಣಾರೂಪೋ / ಜಗದ್ಯೋನೀಶ್ವರೋ ಹರಿಃ ।
ಆದಿತ್ಯಃ ಪ್ರಲಯೋದ್ಧಾರೀ / ಆದೌ ಸಂಸಾರಪಾಲಕಃ ॥ ೧೬॥

ಕೃಪಾವಿಷ್ಟಃ ಪದ್ಮಪಾಣಿರ್ / ಅಮೂರ್ತಿರ್-ಜಗದಾಶ್ರಯಃ ।
ಪದ್ಮನಾಭೋ ನಿರಾಕಾರಃ / ನಿರ್ಲಿಪ್ತಃ ಪುರುಷೋತ್ತಮಃ ॥ ೧೭॥

ಕೃಪಾಕರಃ ಜಗದ್ವ್ಯಾಪೀ / ಶ್ರೀಕರಃ ಶಙ್ಖಶೋಭಿತಃ ।
ಸಮುದ್ರಕೋಟಿಗಮ್ಭೀರೋ / ದೇವತಾಪ್ರೀತಿದಃ ಸದಾ ॥ ೧೮॥

ಸುರಪತಿರ್ಭೂತಪತಿರ್ / ಬ್ರಹ್ಮಚಾರೀ ಪುರನ್ದರಃ ।
ಆಕಾಶವಾಯುಮೂರ್ತಿಶ್ಚ / ಬ್ರಹ್ಮಮೂರ್ತಿರ್ಜಲೇಸ್ಥಿತಃ ॥ ೧೯॥

ಬ್ರಹ್ಮಾ ವಿಷ್ಣುರ್ದೃಷ್ಟಿಪಾಲಃ / ಪರಮೋಽಮೃತದಾಯಕಃ ।
ಪರಮಾನನ್ದಸಮ್ಪೂರ್ಣಃ / ಪುಣ್ಯದೇವಃ ಪರಾಯಣಃ ॥ ೨೦॥

ಧನೀ ಚ ಧನದಾತಾ ಚ / ಧನಗರ್ಭೋ ಮಹೇಶ್ವರಃ ।
ಪಾಶಪಾಣಿಃ ಸರ್ವಜೀವಃ / ಸರ್ವಸಂಸಾರರಕ್ಷಕಃ ॥ ೨೧॥

ದೇವಕರ್ತಾ ಬ್ರಹ್ಮಕರ್ತಾ / ವಷಿಷ್ಠೋ ಬ್ರಹ್ಮಪಾಲಕಃ ।
ಜಗತ್ಪತಿಃ ಸುರಾಚಾರ್ಯೋ / ಜಗದ್ವ್ಯಾಪೀ ಜಿತೇನ್ದ್ರಿಯಃ ॥ ೨೨॥

ಮಹಾಮೂರ್ತಿ-ರ್ವಿಶ್ವಮೂರ್ತಿರ್ಮಹಾ-ಬುದ್ಧಿಃ ಪರಾಕ್ರಮಃ ।
ಸರ್ವಬೀಜಾರ್ಥಚಾರೀ ಚ / ದ್ರಷ್ಟಾ ವೇದಪತಿಃ ಸದಾ ॥ ೨೩॥

ಸರ್ವಜೀವಸ್ಯ ಜೀವಶ್ಚ / ಗೋಪತಿರ್ಮರುತಾಂ ಪತಿಃ ।
ಮನೋ-ಬುದ್ಧಿರಹಂಕಾರ / ಕಾಮಾದಿಕ್ರೋಧನಾಶನಃ ॥ ೨೪॥

ಕಾಮದೇವಃ ಕಾಮಪಾಲಃ / ಕಾಮಾಙ್ಗಃ ಕಾಮವಲ್ಲಭಃ ।
ಶತ್ರುನಾಶೀ ಕೃಪಾಸಿನ್ಧುಃ / ಕೃಪಾಲುಃ ಪರಮೇಶ್ವರಃ ॥ ೨೫॥

ದೇವತ್ರಾತಾ ದೇವಮಾತಾ / ಭ್ರಾತಾ ಬನ್ಧುಃ ಪಿತಾ ಸಖಾ ।
ಬಾಲವೃದ್ಧಸ್ತನೂರೂಪೋ / ವಿಶ್ವಕರ್ಮಾ ಬಲೋಽಬಲಃ ॥ ೨೬॥

ಅನೇಕಮೂರ್ತಿಃ ಸತತಂ / ಸತ್ಯವಾದೀ ಸತಾಂಗತಿಃ ।
ಲೋಕಬ್ರಹ್ಮ ಬೃಹದ್ಬ್ರಹ್ಮ / ಸ್ಥೂಲಬ್ರಹ್ಮ ಸುರೇಶ್ವರಃ ॥ ೨೭॥

ಜಗದ್ವ್ಯಾಪೀ ಸದಾಚಾರೀ / ಸರ್ವಭೂತಶ್ಚ ಭೂಪತಿಃ ।
ದುರ್ಗಪಾಲಃ ಕ್ಷೇತ್ರನಾಥೋ / ರತೀಶೋ ರತಿನಾಯಕಃ ॥ ೨೮॥

ಬಲೀ ವಿಶ್ವಬಲಾಚಾರೀ / ಬಲದೋ ಬಲಿ-ವಾಮನಃ ।
ದರಹ್ರಾಸಃ ಶರಚ್ಚಂದ್ರ / ಪರಮಃ ಪರಪಾಲಕಃ ॥ ೨೯॥

ಅಕಾರಾದಿ-ಮಕಾರಾಂತೋ / ಮಧ್ಯೋಕಾರಃ ಸ್ವರೂಪಧೃಕ್ ।
ಸ್ತುತಿಸ್ಥಾಯೀ ಸೋಮಪಾಶ್ಚ / ಸ್ವಾಹಾಕಾರಃ ಸ್ವಧಾಕರಃ ॥ ೩೦॥

ಮತ್ಸ್ಯಃ ಕೂರ್ಮೋ ವರಾಹಶ್ಚ / ನರಸಿಂಹಶ್ಚ ವಾಮನಃ ।
ಪರಶುರಾಮೋ ಮಹಾವೀರ್ಯೋ/ ರಾಮೋ ದಶರಥಾತ್ಮಜಃ ॥ ೩೧॥

ದೇವಕೀನನ್ದನಃ ಶ್ರೇಷ್ಠೋ / ನೃಹರಿಃ ನರಪಾಲಕಃ ।
ವನಮಾಲೀ ದೇಹಧಾರೀ / ಪದ್ಮಮಾಲೀ ವಿಭೂಷಣಃ ॥ ೩೨॥

ಮಲ್ಲೀಕಾಮಾಲಧಾರೀ ಚ / ಜಾತೀಯೂಥಿಪ್ರಿಯಃ ಸದಾ ।
ಬೃಹತ್ಪಿತಾ ಮಹಾಪಿತಾ / ಬ್ರಾಹ್ಮಣೋ ಬ್ರಾಹ್ಮಣಪ್ರಿಯಃ ॥ ೩೩॥

ಕಲ್ಪರಾಜಃ ಖಗಪತಿರ್ / ದೇವೇಶೋ ದೇವವಲ್ಲಭಃ ।
ಪರಮಾತ್ಮಾ ಬಲೋ ರಾಜ್ಞಾಂ / ಮಾಂಗಲ್ಯಂ ಸರ್ವಮಂಗಲಃ ॥ ೩೪॥

ಸರ್ವಬಲೋ ದೇಹಧಾರೀ / ರಾಜ್ಞಾಂ ಚ ಬಲದಾಯಕಃ ।
ನಾನಾಪಕ್ಷಿಪತಂಗಾನಾಂ / ಪಾವನಃ ಪರಿಪಾಲಕಃ ॥ ೩೫॥

ವೃನ್ದಾವನ-ವಿಹಾರೀ ಚ / ನಿತ್ಯ-ಸ್ಥಲ-ವಿಹಾರಕಃ ।
ಕ್ಷೇತ್ರಪಾಲೋ ಮಾನವಶ್ಚ / ಭುವನೋ ಭವಪಾಲಕಃ ॥ ೩೬॥

ಸತ್ತ್ವಂ ರಜಸ್ತಮೋಬುದ್ಧಿರ್ / ಅಹಂಕಾರಪರೋಽಪಿ ಚ ।
ಆಕಾಶಂಗಃ ರವಿಃ ಸೋಮೋ / ಧರಿತ್ರೀ-ಧರಣೀಧರಃ ॥ ೩೭॥

ನಿಶ್ಚಿನ್ತೋ ಯೋಗನಿದ್ರಶ್ಚ / ಕೃಪಾಲುಃ ದೇಹಧಾರಕಃ ।
ಸಹಸ್ರಶೀರ್ಷಾ ಶ್ರೀವಿಷ್ಣುರ್ / ನಿತ್ಯೋ ಜಿಷ್ಣುರ್ನಿರಾಲಯಃ ॥ ೩೮॥

ಕರ್ತಾ ಹರ್ತಾ ಚ ಧಾತಾ ಚ / ಸತ್ಯದೀಕ್ಷಾದಿಪಾಲಕಃ ।
ಕಮಲಾಕ್ಷಃ ಸ್ವಯಮ್ಭೂತಃ / ಕೃಷ್ಣವರ್ಣೋ ವನಪ್ರಿಯಃ ॥ ೩೯॥

ಕಲ್ಪದ್ರುಮಃ ಪಾದಪಾರಿಃ / ಕಲ್ಪಕಾರೀ ಸ್ವಯಂ ಹರಿಃ ।
ದೇವಾನಾಂ ಚ ಗುರುಃ ಸರ್ವ / ದೇವರೂಪೋ ನಮಸ್ಕೃತಃ ॥ ೪೦॥

ನಿಗಮಾಗಮಚಾರೀ ಚ / ಕೃಷ್ಣಗಮ್ಯಃ ಸ್ವಯಂಯಶಃ ।
ನಾರಾಯಣೋ ನರಾಣಾಂ ಚ / ಲೋಕಾನಾಂ ಪ್ರಭುರುತ್ತಮಃ ॥ ೪೧॥

ಜೀವಾನಾಂ ಪರಮಾತ್ಮಾ ಚ / ಜಗದ್ವಂದ್ಯಃ ಪರೋ ಯಮಃ ।
ಭೂತಾವಾಸೋ ಪರೋಕ್ಷಶ್ಚ / ಸರ್ವವಾಸೀ ಚರಾಶ್ರಯಃ ॥ ೪೨॥

ಭಾಗೀರಥೀ ಮನೋಬುದ್ಧಿರ್ / ಭವಮೃತ್ಯುಃ ಪರಿಸ್ಥಿತಃ ।
ಸಂಸಾರಪ್ರಣಯೀ ಪ್ರೀತಃ / ಸಂಸಾರರಕ್ಷಕಃ ಸದಾ ॥ ೪೩॥

ನಾನಾವರ್ಣಧರೋ ದೇವೋ / ನಾನಾಪುಷ್ಪವಿಭೂಷಣಃ ।
ನನ್ದಧ್ವಜೋ ಬ್ರಹ್ಮರೂಪೋ / ಗಿರಿವಾಸೀ ಗಣಾಧಿಪಃ ॥ ೪೪॥

ಮಾಯಾಧರೋ ವರ್ಣಧಾರೀ / ಯೋಗೀಶಃ ಶ್ರೀಧರೋ ಹರಿಃ ।
ಮಹಾಜ್ಯೋತಿರ್ಮಹಾವೀರ್ಯೋ / ಬಲವಾಂಶ್ಚ ಬಲೋದ್ಭವಃ ॥ ೪೫॥

ಭೂತಕೃತ್ ಭವನೋ ದೇವೋ / ಬ್ರಹ್ಮಚಾರೀ ಸುರಾಧಿಪಃ ।
ಸರಸ್ವತೀ ಸುರಾಚಾರ್ಯಃ / ಸುರದೇವಃ ಸುರೇಶ್ವರಃ ॥ ೪೬॥

ಅಷ್ಟಮೂರ್ತಿಧರೋ ರುದ್ರ / ಇಚ್ಛಾಮೂರ್ತಿಃ ಪರಾಕ್ರಮಃ ।
ಮಹಾನಾಗಪತಿಶ್ಚೈವ / ಪುಣ್ಯಕರ್ಮಾ ತಪಶ್ಚರಃ ॥ ೪೭॥

ದಿನಪೋ ದೀನಪಾಲಶ್ಚ / ದಿವ್ಯಸಿಂಹೋ ದಿವಾಕರಃ ।
ಅನಭೋಕ್ತಾ ಸಭೋಕ್ತಾ ಚ / ಹವಿರ್ಭೋಕ್ತಾ ಪರೋಽಪರಃ ॥ ೪೮॥

ಮಂತ್ರದೋ ಜ್ಞಾನದಾತಾ ಚ / ಸರ್ವದಾತಾ ಪರೋ ಹರಿಃ ।
ಪರರ್ದ್ಧಿಃ ಪರಧರ್ಮಾ ಚ / ಸರ್ವಧರ್ಮ-ನಮಸ್ಕೃತಃ ॥ ೪೯॥

ಕ್ಷಮಾದಶ್ಚ ದಯಾದಶ್ಚ / ಸತ್ಯದಃ ಸತ್ಯಪಾಲಕಃ ।
ಕಂಸಾರಿಃ ಕೇಶಿನಾಶೀ ಚ / ನಾಶನೋ ದುಷ್ಟನಾಶನಃ ॥ ೫೦॥

ಪಾಂಡವ-ಪ್ರೀತಿದಶ್ಚೈವ / ಪರಮಃ ಪರಪಾಲಕಃ ।
ಜಗದ್ಧಾತಾ ಜಗತ್ಕರ್ತಾ / ಗೋಪ-ಗೋವತ್ಸ-ಪಾಲಕಃ ॥ ೫೧॥

ಸನಾತನೋ ಮಹಾಬ್ರಹ್ಮ / ಫಲದಃ ಕರ್ಮಚಾರಿಣಾಮ್ ।
ಪರಮಃ ಪರಮಾನನ್ದಃ / ಪರರ್ದ್ಧಿಃ ಪರಮೇಶ್ವರಃ ॥ ೫೨॥

ಶರಣಃ ಸರ್ವಲೋಕಾನಾಂ / ಸರ್ವಶಾಸ್ತ್ರಪರಿಗ್ರಹಃ ।
ಧರ್ಮಕೀರ್ತಿರ್ಮಹಾಧರ್ಮೋ / ಧರ್ಮಾತ್ಮಾ ಧರ್ಮಬಾನ್ಧವಃ ॥ ೫೩॥

ಮನಃಕರ್ತಾ ಮಹಾಬುದ್ಧಿರ್ / ಮಹಾ-ಮಹಿಮ-ದಾಯಕಃ ।
ಭೂರ್ಭುವಃ ಸ್ವೋ ಮಹಾಮೂರ್ತಿಃ / ಭೀಮೋ ಭೀಮಪರಾಕ್ರಮಃ ॥ ೫೪॥

ಪಥ್ಯಭೂತಾತ್ಮಕೋ ದೇವಃ / ಪಥ್ಯಮೂರ್ತಿಃ ಪರಾತ್ಪರಃ ।
ವಿಶ್ವಾಕಾರೋ ವಿಶ್ವಗರ್ಭಃ / ಸುರಾಮನ್ದೋ ಸುರೇಶ್ವರಃ ॥ ೫೫॥

ಭುವನೇಶಃ ಸರ್ವವ್ಯಾಪೀ / ಭವೇಶಃ ಭವಪಾಲಕಃ ।
ದರ್ಶನೀಯಶ್ಚತುರ್ವೇದಃ / ಶುಭಾಙ್ಗೋ ಲೋಕದರ್ಶನಃ ॥ ೫೬॥

ಶ್ಯಾಮಲಃ ಶಾನ್ತಮೂರ್ತಿಶ್ಚ / ಸುಶಾನ್ತಶ್ಚತುರೋತ್ತಮಃ ।
ಸಾಮಪ್ರೀತಿಶ್ಚ-ಋಕ್-ಪ್ರೀತಿರ್ / ಯಜುಷೋಽಥರ್ವಣ-ಪ್ರಿಯಃ ॥ ೫೭॥

ಶ್ಯಾಮಚಂದ್ರ-ಶ್ಚತುಮೂರ್ತಿಃ / ಚತುರ್ಬಾಹುಶ್ಚತುರ್ಗತಿಃ ।ಮಹಾ-ಜ್ಯೋತಿರ್-ಮಹಾಮೂರ್ತಿರ್ / ಮಹಾಧಾಮಾ ಮಹೇಶ್ವರಃ ॥ ೫೮॥

ಅಗಸ್ತಿರ್-ವರದಾತಾ ಚ / ಸರ್ವದೇವಪಿತಾಮಹಃ ।
ಪ್ರಹ್ಲಾದಸ್ಯ ಪ್ರೀತಿಕರೋ / ಧ್ರುವಾಭಿಮಾನತಾರಕಃ ॥ ೫೯॥

ಮಣ್ಡಿತಃ ಸುತನುರ್ದಾತಾ / ಸಾಧುಭಕ್ತಿಪ್ರದಾಯಕಃ ।
ಓಂಕಾರಶ್ಚ ಪರಂಬ್ರಹ್ಮ / ಓಂ ನಿರಾಲಂಬನೋ ಹರಿಃ ॥ ೬೦॥

ಸದ್ಗತಿಃ ಪರಮೋ ಹಂಸೋ / ಜೀವಾತ್ಮಾ ಜನನಾಯಕಃ ।
ಮನಶ್ಚಿನ್ತ್ಯಶ್ಚಿತ್ತಹಾರೀ / ಮನೋಜ್ಞಶ್ಚಾಪಧಾರಕಃ ॥ ೬೧॥

ಬ್ರಾಹ್ಮಣೋ ಬ್ರಹ್ಮಜಾತೀನಾಮ್ / ಇಂದ್ರಿಯಾಣಾಂ ಗತಿಃ ಪ್ರಭುಃ ।
ತ್ರಿಪಾದಾದ್-ಊರ್ದ್ಧ್ವ-ಸಂಭೂತೋ / ವಿರಾಟಶ್ಚ ಸುರೇಶ್ವರಃ ॥ ೬೨॥

ಪರಾತ್ಪರಃ ಪರಃ ಪಾದಃ / ಪದ್ಮಸ್ಥಃ ಕಮಲಾಸನಃ ।
ನಾನಾಸಂದೇಹ-ವಿಷಯಃ / ತತ್ತ್ವ-ಜ್ಞಾನಾಭಿನಿವೃತಃ ॥ ೬೩॥

ಸರ್ವಜ್ಞಶ್ಚ ಜಗದ್-ಬಂಧುರ್ / ಮನೋಜಜ್ಞಾತ-ಕಾರಕಃ ।

ಮುಖ-ಸಂಭೂತ-ವಿಪ್ರಸ್ತು / ವಾಹಸಮ್ಭೂತರಾಜಕಃ ॥ ೬೪॥

ಊರೋವೈಶ್ಯಃ ಪದೋಭೂತಃ / ಶೂದ್ರೋ ನಿತ್ಯೋಪನಿತ್ಯಕಃ ।
ಜ್ಞಾನೀ ಮಾನೀ ವರ್ಣದಶ್ಚ / ಸರ್ವದಃ ಸರ್ವಭೂಷಿತಃ ॥ ೬೫॥

ಅನಾದಿವರ್ಣ-ಸಂದೇಹೋ / ನಾನಾಕರ್ಮೋ-ಪರಿಸ್ಥಿತಃ ।

ಶುದ್ಧಾದಿ-ಧರ್ಮಸಂದೇಹೋ / ಬ್ರಹ್ಮದೇಹಃ ಸ್ಮಿತಾನನಃ ॥ ೬೬॥

ಶಂಬರಾರಿರ್-ವೇದಪತಿಃ / ಸುಕೃತಃ ಸತ್ತ್ವವರ್ದ್ಧನಃ ।
ಸಕಲಂ ಸರ್ವಭೂತಾನಾಂ / ಸರ್ವದಾತಾ ಜಗನ್ಮಯಃ ॥ ೬೭॥

ಸರ್ವಭೂತಹಿತೈಷೀ ಚ / ಸರ್ವಪ್ರಾಣಿಹಿತೇ ರತಃ ।
ಸರ್ವದಾ ದೇಹಧಾರೀ ಚ / ಬಟಕೋ ಬಟುಗಃ ಸದಾ ॥ ೬೮॥

ಸರ್ವಕರ್ಮವಿಧಾತಾ ಚ / ಜ್ಞಾನದಃ ಕರುಣಾತ್ಮಕಃ ।
ಪುಣ್ಯ-ಸಂಪತ್ತಿ-ದಾತಾ ಚ / ಕರ್ತಾ ಹರ್ತಾ ತಥೈವ ಚ ॥ ೬೯॥

ಸದಾ ನೀಲಾದ್ರಿವಾಸೀ ಚ / ನತಾಸ್ಯಶ್ಚ ಪುರನ್ದರಃ ।
ನರೋ ನಾರಾಯಣೋ ದೇವೋ / ನಿರ್ಮಲೋ ನಿರುಪದ್ರವಃ ॥ ೭೦॥

ಬ್ರಹ್ಮಾಶಂಭುಃ-ಸುರಶ್ರೇಷ್ಠಃ / ಕಂಬುಪಾಣಿರ್-ಬಲೋಽರ್ಜುನಃ ।

ಜಗದ್ಧಾತಾ ಚಿರಾಯುಶ್ಚ / ಗೋವಿನ್ದೋ ಗೋಪವಲ್ಲಭಃ ॥ ೭೧॥

ದೇವೋ ದೇವೋ ಮಹಾಬ್ರಹ್ಮ / ಮಹಾರಾಜೋ ಮಹಾಗತಿಃ ।
ಅನನ್ತೋ ಭೂತನಾಥಶ್ಚ / ಅನನ್ತಭೂತಸಮ್ಭವಃ ॥ ೭೨॥

ಸಮುದ್ರಪರ್ವತಾನಾಂ ಚ / ಗಂಧರ್ವಾಣಾಂ ತಥಾಽಽಶ್ರಯಃ ।
ಶ್ರೀಕೃಷ್ಣೋ ದೇವಕೀಪುತ್ರೋ / ಮುರಾರಿರ್ವೇಣು-ಹಸ್ತಕಃ ॥ ೭೩॥

ಜಗತ್ಸ್ಥಾಯೀ ಜಗದ್ವ್ಯಾಪೀ / ಸರ್ವಸಂಸಾರಭೂತಿದಃ ।
ರತ್ನಗರ್ಭೋ ರತ್ನಹಸ್ತೋ / ರತ್ನಾಕರಸುತಾಪತಿಃ ॥ ೭೪॥

ಕಂದರ್ಪ-ರಕ್ಷಾಕಾರೀ ಚ / ಕಾಮದೇವ-ಪಿತಾಮಹಃ ।

ಕೋಟಿಭಾಸ್ಕರ-ಸಂಜ್ಯೋತಿಃ / ಕೋಟಿ-ಚಂದ್ರ-ಸುಶೀತಲಃ ॥ ೭೫॥

ಕೋಟಿಕಂದರ್ಪ-ಲಾವಣ್ಯಃ / ಕಾಮಮೂರ್ತಿರ್-ಬೃಹತ್ತಪಃ ।

ಮಥುರಾಪುರವಾಸೀ ಚ / ದ್ವಾರಿಕೋ ದ್ವಾರಿಕಾಪತಿಃ ॥ ೭೬॥

ವಸಂತ-ಋತುನಾಥಶ್ಚ / ಮಾಧವಃ ಪ್ರೀತಿದಃ ಸದಾ ।

ಶ್ಯಾಮಬಂಧುರ್-ಘನಶ್ಯಾಮೋ / ಘನಾಘನ-ಸಮದ್ಯುತಿಃ ॥ ೭೭॥

ಅನಂತ-ಕಲ್ಪವಾಸೀ ಚ / ಕಲ್ಪಸಾಕ್ಷೀ ಚ ಕಲ್ಪಕೃತ್ । v

ಸತ್ಯನಾಥಃ ಸತ್ಯಚಾರೀ / ಸತ್ಯವಾದೀ ಸದಾಸ್ಥಿತಃ ॥ ೭೮॥

ಚತುರ್ಮೂರ್ತಿಶ್ಚತುರ್ಬಾಹುಃ / ಚತುರ್ಯುಗ-ಪತಿರ್ಭವಃ ।

ರಾಮಕೃಷ್ಣೋ ಯುಗಾನ್ತಶ್ಚ / ಬಲಭದ್ರೋ ಬಲೋ ಬಲೀ ॥ ೭೯॥

ಲಕ್ಷ್ಮೀನಾರಾಯಣೋ ದೇವಃ / ಶಾಲಗ್ರಾಮಶಿಲಾಪ್ರಭುಃ ।
ಪ್ರಾಣೋಽಪಾನಃ ಸಮಾನಶ್ಚ / ಉದಾನವ್ಯಾನೌ ತಥೈವ ಚ ॥ ೮೦॥

ಪಂಚಾತ್ಮಾ ಪಂಚತತ್ತ್ವಂ ಚ / ಶರಣಾಗತಪಾಲಕಃ ।

ಯತ್ಕಿಂಚಿತ್ ದೃಶ್ಯತೇ ಲೋಕೇ / ತತ್ಸರ್ವಂ ಜಗದೀಶ್ವರಃ ॥ ೮೧॥

ಜಗದೀಶೋ ಮಹದ್ಬ್ರಹ್ಮ / ಜಗನ್ನಾಥಾಯ ತೇ ನಮಃ ।
ಜಗದೀಶೋ ಮಹದ್ಬ್ರಹ್ಮ / ಜಗನ್ನಾಥಾಯ ತೇ ನಮಃ ।
ಜಗದೀಶೋ ಮಹದ್ಬ್ರಹ್ಮ / ಜಗನ್ನಾಥಾಯ ತೇ ನಮಃ ।
॥ ಇತಿ ಶ್ರೀಜಗನ್ನಾಥಸಹಸ್ರನಾಮಸ್ತೋತ್ರಮ್ ॥

ಅಥ ಶ್ರೀಜಗನ್ನಾಥಸಹಸ್ರನಾಮ ಮಾಹಾತ್ಮ್ಯಮ್ ।
ಏವಂ ನಾಮಸಹಸ್ರೇಣ / ಸ್ತವೋಽಯಂ ಪಠ್ಯತೇ ಯದಿ ।
ಪಾಠಂ ಪಾಠಯತೇ ಯಸ್ತು / ಶೃಣುಯಾದಪಿ ಮಾನವಃ ॥ ೧॥

ಸಹಸ್ರಾಣಾಂ ಶತೇನೈವ / ಯಜ್ಞೇನ ಪರಿಪೂಜ್ಯತೇ ।
ಯತ್ಪುಣ್ಯಂ ಸರ್ವತೀರ್ಥೇಷು / ವೇದೇಷು ಚ ವಿಶೇಷತಃ ॥ ೨॥

ತತ್ಪುಣ್ಯಂ ಕೋಟಿಗುಣಿತಂ / ಅಚಿರಾಲ್ಲಭತೇ ನರಃ ।
ಜಗನ್ನಾಥಸ್ಯ ನಾಮಾನಿ / ಪುಣ್ಯಾನಿ ಸಫಲಾನಿ ಚ ॥ ೩॥

ವಿದ್ಯಾರ್ಥೀ ಲಭತೇ ವಿದ್ಯಾಂ ಯೋಗಾರ್ಥೀ ಯೋಗಮಾಪ್ನುಯಾತ್ । 

ಕನ್ಯಾರ್ಥೀ ಲಭತೇ ಕನ್ಯಾಂ ಜಯಾರ್ಥೀ ಲಭತೇ ಜಯಮ್ ॥ ೪॥

ಕಾಮಾರ್ಥೀ ಲಭತೇ ಕಾಮಂ ಪುತ್ರಾರ್ಥೀ ಲಭತೇ ಸುತಮ್ ।
ಕ್ಷತ್ರಿಯಾಣಾಂ ಪ್ರಯೋಗೇಣ ಸಂಗ್ರಾಮೇ ಜಯದಃ ಸದಾ ॥ ೫॥

ವೈಶ್ಯಾನಾಂ ಸರ್ವಧರ್ಮಃ ಸ್ಯಾಚ್ಛೂದ್ರಾಣಾಂ ಸುಖಮೇಧತೇ ।
ಸಾಧೂನಾಂ ಪಠತೋ ನಿತ್ಯಂ ಜ್ಞಾನದಃ ಫಲದಸ್ತಥಾ ॥ ೬॥

ನಾಽಪವಾದಂ ನ ದುಃಖಂ ಚ ಕದಾ ಚ ಲಭತೇ ನರಃ ।
ಸರ್ವಸೌಖ್ಯಂ ಫಲಂ ಪ್ರಾಪ್ಯ ಚಿರಂಜೀವೀ ಭವೇನ್ನರಃ ॥ ೭॥

ಶೃಣು ರಾಜನ್ ಮಹಾಬಾಹೋ ಮಹಿಮಾನಂ ಜಗತ್ಪತೇಃ ।
ಯಸ್ಯ ಸ್ಮರಣಮಾತ್ರೇಣ ಸರ್ವಪಾಪೈಃ ಪ್ರಮುಚ್ಯತೇ ॥ ೮॥

ಜಗನ್ನಾಥಂ ಲೋಕನಾಥಂ ಪಠತೇ ಯಃ ಸದಾ ಶುಚಿಃ ।
ಕಲಿಕಾಲೋದ್ಭವಂ ಪಾಪಂ ತತ್ಕ್ಷಣಾತ್ತಸ್ಯ ನಶ್ಯತಿ ॥ ೯॥

ಇತಿ ಶ್ರೀಬ್ರಹ್ಮಪುರಾಣೇ ಭೀಷ್ಮ-ಯುಧಿಷ್ಠಿರ-ಸಂವಾದೇ
ಶ್ರೀಜಗನ್ನಾಥಸಹಸ್ರನಾಮಸ್ತೋತ್ರಂ ಸಮಾಪ್ತಮ್ ॥