Gita-God-Hinduism

ಶ್ರೀ ರುದ್ರಂ ನಮಕಂ (ಕೃಷ್ಣ ಯಜುರ್ವೇದೀಯ ತೈತ್ತಿರೀಯ ಸಂಹಿತಾ ಚತುರ್ಥಂ-ವೈಁಶ್ವದೇವಂ ಕಾಂಡಂ ಪಂಚಮಃ ಪ್ರಪಾಠಕಃ) ಓಂ ನಮೋ ಭಗವತೇ॑ ರುದ್ರಾ॒ಯ ॥ ನಮ॑ಸ್ತೇ ರುದ್ರ ಮ॒ನ್ಯವ॑ ಉ॒ತೋತ॒ ಇಷ॑ವೇ॒ ನಮಃ॑ । ನಮ॑ಸ್ತೇ ಅಸ್ತು॒ ಧನ್ವ॑ನೇ ಬಾ॒ಹುಭ್ಯಾ॑ಮು॒ತ ತೇ॒ ನಮಃ॑ ॥ ಯಾ ತ॒ ಇಷುಃ॑ ಶಿ॒ವತ॑ಮಾ ಶಿ॒ವಂ ಬ॒ಭೂವ॑ ತೇ॒ ಧನುಃ॑ । ಶಿ॒ವಾ ಶ॑ರ॒ವ್ಯಾ॑ ಯಾ ತವ॒ ತಯಾ॑ ನೋ ರುದ್ರ ಮೃಡಯ । ಯಾ ತೇ॑ ರುದ್ರ ಶಿ॒ವಾ ತ॒ನೂರಘೋ॒ರಾಽಪಾ॑ಪಕಾಶಿನೀ । ತಯಾ॑ ನಸ್ತ॒ನುವಾ॒ ಶಂತ॑ಮಯಾ॒ ಗಿರಿ॑ಶಂತಾ॒ಭಿಚಾ॑ಕಶೀಹಿ ॥ ಯಾಮಿಷುಂ॑ ಗಿರಿಶಂತ॒ ಹಸ್ತೇ॒ ಬಿಭ॒ರ್​ಷ್ಯಸ್ತ॑ವೇ । ಶಿ॒ವಾಂ ಗಿ॑ರಿತ್ರ॒ ತಾಂ ಕು॑ರು॒ ಮಾ ಹಿಗ್ಂ॑ಸೀಃ॒ ಪುರು॑ಷಂ॒ ಜಗ॑ತ್॥ ಶಿ॒ವೇನ॒ ವಚ॑ಸಾ ತ್ವಾ॒ ಗಿರಿ॒ಶಾಚ್ಛಾ॑ ವದಾಮಸಿ । ಯಥಾ॑ ನಃ॒ ಸರ್ವ॒ಮಿಜ್ಜಗ॑ದಯ॒ಕ್ಷ್ಮಗ್ಂ ಸು॒ಮನಾ॒ ಅಸ॑ತ್ ॥ ಅಧ್ಯ॑ವೋಚದಧಿವ॒ಕ್ತಾ ಪ್ರ॑ಥ॒ಮೋ ದೈವ್ಯೋ॑ ಭಿ॒ಷಕ್ । ಅಹೀಗ್॑ಶ್ಚ॒ ಸರ್ವಾಂ᳚ಜಂ॒ಭಯ॒ನ್-ಥ್ಸರ್ವಾ᳚ಶ್ಚ ಯಾತುಧಾ॒ನ್ಯಃ॑ ॥ ಅ॒ಸೌ ಯಸ್ತಾ॒ಮ್ರೋ ಅ॑ರು॒ಣ ಉ॒ತ ಬ॒ಭ್ರುಸ್ಸು॑ಮಂ॒ಗಲಃ॑ । ಯೇ ಚೇ॒ಮಾಗ್ಂ ರು॒ದ್ರಾ ಅ॒ಭಿತೋ॑ ದಿ॒ಕ್ಷು ಶ್ರಿ॒ತಾಃ ಸ॑ಹಸ್ರ॒ಶೋಽವೈ॑ಷಾ॒ಗ್ಂ॒ ಹೇಡ॑ ಈಮಹೇ ॥ ಅ॒ಸೌ ಯೋ॑ಽವ॒ಸರ್ಪ॑ತಿ॒ ನೀಲ॑ಗ್ರೀವೋ॒ ವಿಲೋ॑ಹಿತಃ । ಉ॒ತೈನಂ॑ ಗೋ॒ಪಾ ಅ॑ದೃಶ॒ನ್ನದೃ॑ಶನ್ನುದಹಾ॒ರ್ಯಃ॑ । ಉ॒ತೈನಂ॒-ವಿಁಶ್ವಾ॑ ಭೂ॒ತಾನಿ॒ ಸ ದೃ॒ಷ್ಟೋ ಮೃ॑ಡಯಾತಿ ನಃ ॥ ನಮೋ॑ ಅಸ್ತು॒ ನೀಲ॑ಗ್ರೀವಾಯ ಸಹಸ್ರಾ॒ಕ್ಷಾಯ॑ ಮೀ॒ಢುಷೇ᳚ । ಅಥೋ॒ ಯ...