Gita - Easy Chanting - Chapter 14

 ಶ್ರೀಮದ್ಭಗವದ್ಗೀತಾ ಮೂಲಂ - ಚತುರ್ದಶೋಽಧ್ಯಾಯಃ

ಓಂ ಶ್ರೀ ಪರಮಾತ್ಮನೇ ನಮಃ
ಅಥ ಚತುರ್ದಶೋಽಧ್ಯಾಯಃ ।
ಗುಣತ್ರಯ-ವಿಭಾಗ-ಯೋಗಃ

ಶ್ರೀಭಗವಾನುವಾಚ
ಪರಂ ಭೂಯಃ ಪ್ರವಕ್ಷ್ಯಾಮಿ / ಜ್ಞಾನಾನಾಂ ಜ್ಞಾನಮುತ್ತಮಮ್ ।
ಯತ್-ಜ್ಞಾತ್ವಾ ಮುನಯಃ ಸರ್ವೇ / ಪರಾಂ ಸಿದ್ಧಿಮ್-ಇತೋ ಗತಾಃ ॥ 1 ॥

ಇದಂ ಜ್ಞಾನಮ್-ಉಪಾಶ್ರಿತ್ಯ / ಮಮ ಸಾಧರ್ಮ್ಯಮ್-ಆಗತಾಃ ।
ಸರ್ಗೇಽಪಿ ನೋಪಜಾಯಂತೇ / ಪ್ರಲಯೇ ನ ವ್ಯಥಂತಿ ಚ ॥ 2 ॥

ಮಮ ಯೋನಿರ್-ಮಹತ್-ಬ್ರಹ್ಮ / ತಸ್ಮಿನ್-ಗರ್ಭಮ್ ದಧಾಮ್ಯಹಮ್ ।
ಸಂಭವಃ ಸರ್ವಭೂತಾನಾಂ / ತತೋ ಭವತಿ ಭಾರತ ॥ 3 ॥

ಸರ್ವಯೋನಿಷು ಕೌಂತೇಯ / ಮೂರ್ತಯಃ ಸಂಭವಂತಿ ಯಾಃ ।
ತಾಸಾಂ ಬ್ರಹ್ಮ ಮಹದ್ಯೋನಿರ್ / ಅಹಂ ಬೀಜಪ್ರದಃ ಪಿತಾ ॥ 4 ॥

ಸತ್ತ್ವಂ ರಜಸ್ತಮ ಇತಿ / ಗುಣಾಃ ಪ್ರಕೃತಿಸಂಭವಾಃ ।
ನಿಬಧ್ನಂತಿ ಮಹಾಬಾಹೋ / ದೇಹೇ ದೇಹಿನಮವ್ಯಯಮ್ ॥ 5 ॥

ತತ್ರ ಸತ್ತ್ವಂ ನಿರ್ಮಲತ್ವಾತ್ / ಪ್ರಕಾಶಕಮ್-ಅನಾಮಯಮ್ ।
ಸುಖಸಂಗೇನ ಬಧ್ನಾತಿ / ಜ್ಞಾನ-ಸಂಗೇನ ಚಾನಘ ॥ 6 ॥

ರಜೋ ರಾಗಾತ್ಮಕಂ ವಿದ್ಧಿ / ತೃಷ್ಣಾಸಂಗ-ಸಮುದ್ಭವಮ್ ।
ತನ್ನಿಬಧ್ನಾತಿ ಕೌಂತೇಯ / ಕರ್ಮಸಂಗೇನ ದೇಹಿನಮ್ ॥ 7 ॥

ತಮಸ್-ತು-ಅಜ್ಞಾನಜಮ್ ವಿದ್ಧಿ / ಮೋಹನಂ ಸರ್ವದೇಹಿನಾಮ್ ।      ಪ್ರಮಾದಾಲಸ್ಯ-ನಿದ್ರಾಭಿಃ / ತನ್-ನಿಬಧ್ನಾತಿ ಭಾರತ ॥ 8 ॥

ಸತ್ತ್ವಂ ಸುಖೇ ಸಂಜಯತಿ / ರಜಃ ಕರ್ಮಣಿ ಭಾರತ ।
ಜ್ಞಾನಮಾವೃತ್ಯ ತು ತಮಃ / ಪ್ರಮಾದೇ ಸಂಜಯತ್ಯುತ ॥ 9 ॥

ರಜಸ್ತಮಶ್ಚಾಭಿಭೂಯ / ಸತ್ತ್ವಂ ಭವತಿ ಭಾರತ ।
ರಜಃ ಸತ್ತ್ವಂ ತಮಶ್ಚೈವ / ತಮಃ ಸತ್ತ್ವಂ ರಜಸ್ತಥಾ ॥ 10 ॥

ಸರ್ವದ್ವಾರೇಷು ದೇಹೇಽಸ್ಮಿನ್ / ಪ್ರಕಾಶ ಉಪಜಾಯತೇ ।
ಜ್ಞಾನಂ ಯದಾ ತದಾ ವಿದ್ಯಾದ್ / ವಿವೃದ್ಧಂ ಸತ್ತ್ವಮ್-ಇತ್ಯುತ ॥ 11 ॥

ಲೋಭಃ ಪ್ರವೃತ್ತಿರಾರಂಭಃ / ರ್ಮಣಾಮ್-ಅಶಮಃ ಸ್ಪೃಹಾ ।
ರಜಸ್ಯೇತಾನಿ ಜಾಯಂತೇ / ವಿವೃದ್ಧೇ ಭರತರ್ಷಭ ॥ 12 ॥

ಅಪ್ರಕಾಶೋಽಪ್ರವೃತ್ತಿಶ್ಚ / ಪ್ರಮಾದೋ ಮೋಹ ಏವ ಚ ।
ತಮಸ್ಯೇತಾನಿ ಜಾಯಂತೇ / ವಿವೃದ್ಧೇ ಕುರುನಂದನ ॥ 13 ॥

ಯದಾ ಸತ್ತ್ವೇ ಪ್ರವೃದ್ಧೇ ತು / ಪ್ರಲಯಂ ಯಾತಿ ದೇಹಭೃತ್ ।
ತದೋತ್ತಮವಿದಾಂ ಲೋಕಾನ್ / ಅಮಲಾನ್-ಪ್ರತಿಪದ್ಯತೇ ॥ 14 ॥

ರಜಸಿ ಪ್ರಲಯಂ ಗತ್ವಾ / ಕರ್ಮಸಂಗಿಷು ಜಾಯತೇ ।
ತಥಾ ಪ್ರಲೀನಸ್ತಮಸಿ / ಮೂಢ-ಯೋನಿಷು ಜಾಯತೇ ॥ 15 ॥

ಕರ್ಮಣಃ ಸುಕೃತಸ್ಯಾಹುಃ / ಸಾತ್ತ್ವಿಕಂ ನಿರ್ಮಲಂ ಫಲಮ್ ।
ರಜಸಸ್ತು ಫಲಂ ದುಃಖಮ್ / ಅಜ್ಞಾನಂ ತಮಸಃ ಫಲಮ್ ॥ 16 ॥

ಸತ್ತ್ವಾತ್-ಸಂಜಾಯತೇ ಜ್ಞಾನಂ / ರಜಸೋ ಲೋಭ ಏವ ಚ ।                     ಪ್ರಮಾದ-ಮೋಹೌ ತಮಸೋ / ಭವತೋಽಜ್ಞಾನಮೇವ ಚ ॥ 17 ॥

ಊರ್ಧ್ವಂ ಗಚ್ಛಂತಿ ಸತ್ತ್ವಸ್ಥಾ / ಮಧ್ಯೇ ತಿಷ್ಠಂತಿ ರಾಜಸಾಃ ।
ಜಘನ್ಯಗುಣವೃತ್ತಿಸ್ಥಾ / ಅಧೋ ಗಚ್ಛಂತಿ ತಾಮಸಾಃ ॥ 18 ॥

ನಾನ್ಯಂ ಗುಣೇಭ್ಯಃ ಕರ್ತಾರಂ / ಯದಾ ದ್ರಷ್ಟಾನುಪಶ್ಯತಿ ।
ಗುಣೇಭ್ಯಶ್ಚ ಪರಂ ವೇತ್ತಿ / ಮದ್ಭಾವಂ ಸೋಽಧಿಗಚ್ಛತಿ ॥ 19 ॥

ಗುಣಾನ್-ಏತಾನ್-ಅತೀತ್ಯ ತ್ರೀಂ / ದೇಹೀ ದೇಹ-ಸಮುದ್ಭವಾನ್ ।
ಜನ್ಮ-ಮೃತ್ಯು-ಜರಾ-ದುಃಖೈರ್ / ವಿಮುಕ್ತೋಽಮೃತಮ್-ಅಶ್ನುತೇ ॥ 20 ॥

ಅರ್ಜುನ ಉವಾಚ

ಕೈರ್-ಲಿಂಗೈಸ್-ತ್ರೀನ್-ಗುಣಾನ್-ಏತಾನ್ / ಅತೀತೋ ಭವತಿ ಪ್ರಭೋ ।                            ಕಿಮಾಚಾರಃ ಕಥಂ ಚೈತಾಂಸ್ / ತ್ರೀನ್-ಗುಣಾನ್-ಅತಿವರ್ತತೇ ॥ 21 ॥   

ಶ್ರೀಭಗವಾನುವಾಚ
ಪ್ರಕಾಶಂ ಚ ಪ್ರವೃತ್ತಿಂ ಚ / ಮೋಹಮೇವ ಚ ಪಾಂಡವ ।
ತ ದ್ವೇಷ್ಟಿ ಸಂಪ್ರವೃತ್ತಾನಿ / ನ ನಿವೃತ್ತಾನಿ ಕಾಂಕ್ಷತಿ ॥ 22 ॥

ಉದಾಸೀನವದಾಸೀನೋ / ಗುಣೈರ್ಯೋ ನ ವಿಚಾಲ್ಯತೇ ।
ಗುಣಾ ವರ್ತಂತ ಇತ್ಯೇವ / ಯೋಽವತಿಷ್ಠತಿ ನೇಂಗತೇ ॥ 23 ॥

ಸಮದುಃಖಸುಖಃ ಸ್ವಸ್ಥಃ / ಸಮ-ಲೋಷ್ಟಾಶ್ಮ-ಕಾಂಚನಃ ।
ತುಲ್ಯ-ಪ್ರಿಯಾಪ್ರಿಯೋ ಧೀರಸ್ / ತುಲ್ಯ-ನಿಂದಾತ್ಮ-ಸಂಸ್ತುತಿಃ ॥ 24 ॥

ಮಾನಾಪಮಾನಯೋಸ್-ತುಲ್ಯಃ / ತುಲ್ಯೋ-ಮಿತ್ರಾರಿ-ಪಕ್ಷಯೋಃ ।                               ಸರ್ವಾರಂಭಪರಿತ್ಯಾಗೀ / ಗುಣಾತೀತಃ ಸ ಉಚ್ಯತೇ ॥ 25 ॥

ಮಾಂ ಚ ಯೋಽವ್ಯಭಿಚಾರೇಣ / ಭಕ್ತಿಯೋಗೇನ ಸೇವತೇ ।
ಸ ಗುಣಾನ್-ಸಮತೀತ್ಯೈತಾನ್ / ಬ್ರಹ್ಮ-ಭೂಯಾಯ ಕಲ್ಪತೇ ॥ 26 ॥

ಬ್ರಹ್ಮಣೋ ಹಿ ಪ್ರತಿಷ್ಠಾಹಮ್ / ಅಮೃತಸ್ಯಾವ್ಯಯಸ್ಯ ಚ |                                          ಶಾಶ್ವತಸ್ಯ ಚ ಧರ್ಮಸ್ಯ / ಸುಖಸ್ಯೈಕಾಂತಿಕಸ್ಯ ಚ ॥ 27 ॥

ಓಂ ತತ್ಸದಿತಿ ಶ್ರೀಮದ್ಭಗವದ್ಗೀತಾಸೂಪನಿಷತ್ಸು ಬ್ರಹ್ಮವಿದ್ಯಾಯಾಂ ಯೋಗಶಾಸ್ತ್ರೇ

ಶ್ರೀಕೃಷ್ಣಾರ್ಜುನಸಂವಾದೇ ಗುಣತ್ರಯವಿಭಾಗಯೋಗೋ ನಾಮ ಚತುರ್ದಶೋಽಧ್ಯಾಯಃ ॥14 ।