Gita - Easy Chanting - Chapter 16

ಶ್ರೀಮದ್ಭಗವದ್ಗೀತಾ ಮೂಲಂ - ಷೋಡಶೋಽಧ್ಯಾಯಃ

ಓಂ ಶ್ರೀ ಪರಮಾತ್ಮನೇ ನಮಃ
ಅಥ ಷೋಡಶೋಽಧ್ಯಾಯಃ ।
ದೈವಾಸುರಸಂಪದ್ವಿಭಾಗಯೋಗಃ

ಶ್ರೀಭಗವಾನುವಾಚ
ಅಭಯಂ ಸತ್ತ್ವ-ಸಂಶುದ್ಧಿರ್ / ಜ್ಙಾನ-ಯೋಗ-ವ್ಯವಸ್ಥಿತಿಃ ।
ದಾನಂ ದಮಶ್ಚ ಯಜ್ಞಶ್ಚ / ಸ್ವಾಧ್ಯಾಯಸ್ತಪ ಆರ್ಜವಮ್ ॥ 1 ॥

ಅಹಿಂಸಾ ಸತ್ಯಮಕ್ರೋಧಃ / ತ್ಯಾಗಃ-ಶಾಂತಿರ್-ಅಪೈಶುನಮ್ ।
ದಯಾ ಭೂತೇಷು-ಅಲೋಲುಪ್ತ್ವಂ / ಮಾರ್ದವಂ ಹ್ರೀರ್-ಅಚಾಪಲಮ್ ॥ 2 ॥

ತೇಜಃ ಕ್ಷಮಾ ಧೃತಿಃ ಶೌಚಮ್ / ಅದ್ರೋಹೋ ನಾತಿಮಾನಿತಾ ।
ಭವಂತಿ ಸಂಪದಂ ದೈವೀಮ್ / ಅಭಿಜಾತಸ್ಯ ಭಾರತ ॥ 3 ॥

ದಂಭೋ ದರ್ಪೋಽಭಿಮಾನಶ್ಚ / ಕ್ರೋಧಃ ಪಾರುಷ್ಯಮೇವ ಚ ।
ಅಜ್ಞಾನಂ ಚಾಭಿಜಾತಸ್ಯ / ಪಾರ್ಥ ಸಂಪದಮಾಸುರೀಮ್ ॥ 4 ॥

ದೈವೀ ಸಂಪದ್ವಿಮೋಕ್ಷಾಯ / ನಿಬಂಧಾಯಾಸುರೀ ಮತಾ ।
ಮಾ ಶುಚಃ ಸಂಪದಂ ದೈವೀಮ್ / ಅಭಿಜಾತೋಽಸಿ ಪಾಂಡವ ॥ 5 ॥

ದ್ವೌ ಭೂತಸರ್ಗೌ ಲೋಕೇಽಸ್ಮಿನ್ / ದೈವ ಆಸುರ ಏವ ಚ ।
ದೈವೋ ವಿಸ್ತರಶಃ ಪ್ರೋಕ್ತಃ / ಆಸುರಂ ಪಾರ್ಥ ಮೇ ಶೃಣು ॥ 6 ॥

ಪ್ರವೃತ್ತಿಂ ಚ ನಿವೃತ್ತಿಂ ಚ / ಜನಾ ನ ವಿದುರಾಸುರಾಃ ।
ನ ಶೌಚಂ ನಾಪಿ ಚಾಚಾರೋ / ನ ಸತ್ಯಂ ತೇಷು ವಿದ್ಯತೇ ॥ 7 ॥

ಅಸತ್ಯಮ್-ಅಪ್ರತಿಷ್ಠಂ ತೇ / ಜಗದಾಹುರ್-ಅನೀಶ್ವರಮ್ ।
ಅಪರಸ್ಪರಸಂಭೂತಂ / ಕಿಮನ್ಯತ್-ಕಾಮ-ಹೈತುಕಮ್ ॥ 8 ॥

ಏತಾಂ ದೃಷ್ಟಿಮವಷ್ಟಭ್ಯ / ನಷ್ಟಾತ್ಮಾನೋಽಲ್ಪ-ಬುದ್ಧಯಃ ।
ಪ್ರಭವಂತ್ಯುಗ್ರ-ಕರ್ಮಾಣಃ / ಕ್ಷಯಾಯ ಜಗತೋಽಹಿತಾಃ ॥ 9 ॥

ಕಾಮಮಾಶ್ರಿತ್ಯ ದುಷ್ಪೂರಂ / ದಂಭಮಾನ-ಮದಾನ್ವಿತಾಃ ।
ಮೋಹಾದ್-ಗೃಹೀತ್ವ-ಅಸದ್-ಗ್ರಾಹಾನ್ಹಾನ್ / ಪ್ರವರ್ತಂತೇಽಶುಚಿವ್ರತಾಃ ॥ 10 ॥

ಚಿಂತಾಮ್-ಅಪರಿಮೇಯಾಂ ಚ / ಪ್ರಲಯಾಂತಾಮ್-ಉಪಾಶ್ರಿತಾಃ ।
ಕಾಮೋಪಭೋಗಪರಮಾ / ಏತಾವದಿತಿ ನಿಶ್ಚಿತಾಃ ॥ 11 ॥

ಆಶಾ-ಪಾಶ-ಶತೈರ್ಬದ್ಧಾಃ / ಕಾಮ-ಕ್ರೋಧ-ಪರಾಯಣಾಃ ।
ಈಹಂತೇ ಕಾಮಭೋಗಾರ್ಥಮ್ / ಅನ್ಯಾಯೇನಾರ್ಥ-ಸಂಚಯಾನ್ ॥ 12 ॥

ಇದಮದ್ಯ ಮಯಾ ಲಬ್ಧಮ್ / ಇಮಂ ಪ್ರಾಪ್ಸ್ಯೇ ಮನೋರಥಮ್ ।
ಇದಮಸ್ತೀದಮಪಿ ಮೇ / ಭವಿಷ್ಯತಿ ಪುನರ್ಧನಮ್ ॥ 13 ॥

ಅಸೌ ಮಯಾ ಹತಃ ಶತ್ರುಃ / ಹನಿಷ್ಯೇ ಚಾಪರಾನಪಿ ।
ಈಶ್ವರೋಽಹಮಹಂ ಭೋಗೀ / ಸಿದ್ಧೋಽಹಂ ಬಲವಾನ್-ಸುಖೀ ॥ 14 ॥

ಆಢ್ಯೋಽಭಿಜನವಾನ್-ಅಸ್ಮಿ / ಕೋಽನ್ಯೋಸ್ತಿ ಸದೃಶೋ ಮಯಾ ।
ಯಕ್ಷ್ಯೇ ದಾಸ್ಯಾಮಿ ಮೋದಿಷ್ಯ / ಇತ್ಯಜ್ಞಾನ-ವಿಮೋಹಿತಾಃ ॥ 15 ॥

ಅನೇಕಚಿತ್ತವಿಭ್ರಾಂತಾಃ / ಮೋಹ-ಜಾಲ-ಸಮಾವೃತಾಃ ।
ಪ್ರಸಕ್ತಾಃ ಕಾಮಭೋಗೇಷು / ಪತಂತಿ ನರಕೇಽಶುಚೌ ॥ 16 ॥

ಆತ್ಮಸಂಭಾವಿತಾಃ ಸ್ತಬ್ಧಾಃ / ಧನ-ಮಾನ-ಮದಾನ್ವಿತಾಃ ।
ಯಜಂತೇ ನಾಮಯಜ್ಞೈಸ್ತೇ / ದಂಭೇನಾವಿಧಿ-ಪೂರ್ವಕಮ್ ॥ 17 ॥

ಅಹಂಕಾರಂ ಬಲಂ ದರ್ಪಂ / ಕಾಮಂ ಕ್ರೋಧಂ ಚ ಸಂಶ್ರಿತಾಃ ।
ಮಾಮಾತ್ಮ-ಪರದೇಹೇಷು / ಪ್ರದ್ವಿಷಂತೋಽಭ್ಯಸೂಯಕಾಃ ॥ 18 ॥

ತಾನಹಂ ದ್ವಿಷತಃ ಕ್ರೂರಾನ್ / ಸಂಸಾರೇಷು ನರಾಧಮಾನ್ ।
ಕ್ಷಿಪಾಮ್ಯಜಸ್ರಂ-ಅಶುಭಾನ್ / ಆಸುರೀಷ್ವೇವ ಯೋನಿಷು ॥ 19 ॥

ಆಸುರೀಂ ಯೋನಿಮಾಪನ್ನಾ / ಮೂಢಾ ಜನ್ಮನಿ ಜನ್ಮನಿ ।
ಮಾಮಪ್ರಾಪ್ಯೈವ ಕೌಂತೇಯ / ತತೋ ಯಾಂತ್ಯಧಮಾಂ ಗತಿಮ್ ॥ 20 ॥

ತ್ರಿವಿಧಂ ನರಕಸ್ಯೇದಂ / ದ್ವಾರಂ ನಾಶನಮಾತ್ಮನಃ ।
ಕಾಮಃ ಕ್ರೋಧಸ್ತಥಾ ಲೋಭಃ / ತಸ್ಮಾತ್-ಏತತ್-ತ್ರಯಂ ತ್ಯಜೇತ್ ॥ 21 ॥

ಏತೈರ್ವಿಮುಕ್ತಃ ಕೌಂತೇಯ / ತಮೋ-ದ್ವಾರೈಸ್-ತ್ರಿಭಿರ್-ನರಃ ।
ಆಚರತ್ಯಾತ್ಮನಃ ಶ್ರೇಯಃ / ತತೋ ಯಾತಿ ಪರಾಂ ಗತಿಮ್ ॥ 22 ॥

ಯಃ ಶಾಸ್ತ್ರವಿಧಿಮ್-ಉತ್ಸೃಜ್ಯ / ವರ್ತತೇ ಕಾಮಕಾರತಃ ।
ನ ಸ ಸಿದ್ಧಿಮವಾಪ್ನೋತಿ / ನ ಸುಖಂ ನ ಪರಾಂ ಗತಿಮ್ ॥ 23 ॥

ತಸ್ಮಾತ್-ಶಾಸ್ತ್ರಂ ಪ್ರಮಾಣಂ ತೇ / ಕಾರ್ಯಾಕಾರ್ಯವ್ಯವಸ್ಥಿತೌ ।
ಜ್ಞಾತ್ವಾ ಶಾಸ್ತ್ರವಿಧಾನೋಕ್ತಂ / ಕರ್ಮ-ಕರ್ತುಮಿಹಾರ್ಹಸಿ ॥ 24 ॥

ಓಂ ತತ್ಸದಿತಿ ಶ್ರೀಮದ್ಭಗವದ್ಗೀತಾಸೂಪನಿಷತ್ಸು ಬ್ರಹ್ಮವಿದ್ಯಾಯಾಂ ಯೋಗಶಾಸ್ತ್ರೇ ಶ್ರೀಕೃಷ್ಣಾರ್ಜುನಸಂವಾದೇ ದೈವಾಸುರಸಂಪದ್ವಿಭಾಗಯೋಗೋ ನಾಮ ಷೋಡಶೋಽಧ್ಯಾಯಃ ॥16 ॥