Gita - Easy Chanting - Chapter 3

ಶ್ರೀಮದ್ಭಗವದ್ಗೀತಾ - ತೃತೀಯೋಽಧ್ಯಾಯಃ
ಓಂ ಶ್ರೀ ಪರಮಾತ್ಮನೇ ನಮಃ
ಅಥ ತೃತೀಯೋಽಧ್ಯಾಯಃ ।
ಕರ್ಮಯೋಗಃ

ಅರ್ಜುನ ಉವಾಚ
ಜ್ಯಾಯಸೀ-ಚೇತ್-ಕರ್ಮಣಸ್ತೇ / ಮತಾ ಬುದ್ಧಿರ್-ಜನಾರ್ದನ ।
ತತ್-ಕಿಂ-ಕರ್ಮಣಿ-ಘೋರೇ-ಮಾಂ / ನಿಯೋಜಯಸಿ ಕೇಶವ ॥ 1 ॥

ವ್ಯಾಮಿಶ್ರೇಣೇವ ವಾಕ್ಯೇನ / ಬುದ್ಧಿಂ ಮೋಹಯಸೀವ ಮೇ ।
ತದೇಕಂ ವದ ನಿಶ್ಚಿತ್ಯ / ಯೇನ ಶ್ರೇಯೋಽಹಮ್-ಆಪ್ನುಯಾಮ್ ॥ 2 ॥

ಶ್ರೀಭಗವಾನುವಾಚ
ಲೋಕೇಽಸ್ಮಿನ್-ದ್ವಿವಿಧಾ-ನಿಷ್ಠಾ / ಪುರಾ ಪ್ರೋಕ್ತಾ ಮಯಾನಘ ।
ಜ್ಞಾನಯೋಗೇನ ಸಾಂಖ್ಯಾನಾಂ / ಕರ್ಮಯೋಗೇನ ಯೋಗಿನಾಮ್ ॥ 3 ॥

ನ-ಕರ್ಮಣಾಮ್-ಅನಾರಂಭಾತ್ / ನೈಷ್ಕರ್ಮ್ಯಂ ಪುರುಷೋಽಶ್ನುತೇ ।
ನ ಚ ಸಂನ್ಯಸನಾದ್-ಏವ / ಸಿದ್ಧಿಂ ಸಮಧಿಗಚ್ಛತಿ ॥ 4 ॥

ನ ಹಿ ಕಶ್ಚಿತ್-ಕ್ಷಣಮಪಿ / ಜಾತು ತಿಷ್ಠತ್ಯಕರ್ಮಕೃತ್ ।
ಕಾರ್ಯತೇ ಹ್ಯವಶಃ ಕರ್ಮ / ಸರ್ವಃ ಪ್ರಕೃತಿಜೈರ್-ಗುಣೈಃ ॥ 5 ॥

ಕರ್ಮೇಂದ್ರಿಯಾಣಿ ಸಂಯಮ್ಯ / ಯ ಆಸ್ತೇ ಮನಸಾ ಸ್ಮರನ್ ।
ಇಂದ್ರಿಯಾರ್ಥಾನ್-ವಿಮೂಢಾತ್ಮಾ / ಮಿಥ್ಯಾಚಾರಃ ಸ ಉಚ್ಯತೇ ॥ 6 ॥

ಯಸ್ತ್ವಿಂದ್ರಿಯಾಣಿ ಮನಸಾ / ನಿಯಮ್ಯಾರಭತೇಽರ್ಜುನ ।
ಕರ್ಮೇಂದ್ರಿಯೈಃ ಕರ್ಮಯೋಗಮ್ / ಅಸಕ್ತಃ ಸ ವಿಶಿಷ್ಯತೇ ॥ 7 ॥

ನಿಯತಂ ಕುರು ಕರ್ಮ ತ್ವಂ / ಕರ್ಮ ಜ್ಯಾಯೋ ಹ್ಯಕರ್ಮಣಃ ।
ಶರೀರಯಾತ್ರಾಪಿ ಚ ತೇ / ನ ಪ್ರಸಿದ್ಧ್ಯೇದ್-ಅಕರ್ಮಣಃ ॥ 8 ॥

ಯಜ್ಞಾರ್ಥಾರತ್-ಕರ್ಮಣೋಽನ್ಯತ್ರ / ಲೋಕೋಽಯಂ ಕರ್ಮಬಂಧನಃ ।
ತದರ್ಥಂ ಕರ್ಮ ಕೌಂತೇಯ / ಮುಕ್ತಸಂಗಃ ಸಮಾಚರ ॥ 9 ॥

ಸಹಯಜ್ಙಾಃ ಪ್ರಜಾಃ ಸೃಷ್ಟ್ವಾ / ಪುರೋವಾಚ ಪ್ರಜಾಪತಿಃ ।
ಅನೇನ ಪ್ರಸವಿಷ್ಯಧ್ವಮ್ / ಏಷವೋಽಸ್ತ್ವಿಷ್ಟ-ಕಾಮಧುಕ್ ॥ 10 ॥

ದೇವಾನ್-ಭಾವಯತಾನೇನ / ತೇ ದೇವಾ ಭಾವಯಂತು ವಃ ।
ಪರಸ್ಪರಂ ಭಾವಯಂತಃ / ಶ್ರೇಯಃ ಪರಮವಾಪ್ಸ್ಯಥ ॥ 11 ॥

ಇಷ್ಟಾನ್-ಭೋಗಾನ್-ಹಿ ವೋ ದೇವಾಃ / ದಾಸ್ಯಂತೇ ಯಜ್ಞಭಾವಿತಾಃ ।
ತೈರ್ದತ್ತಾನ್-ಅಪ್ರದಾಯೈಭ್ಯೋ / ಯೋ ಭುಂಕ್ತೇ ಸ್ತೇನ ಏವ ಸಃ ॥ 12 ॥

ಯಜ್ಞಶಿಷ್ಟಾಶಿನಃ ಸಂತೋ / ಮುಚ್ಯಂತೇ ಸರ್ವಕಿಲ್ಬಿಷೈಃ ।
ಭುಂಜತೇ ತೇ ತ್ವಘಂ ಪಾಪಾ / ಯೇ ಪಚಂತ್ಯಾತ್ಮಕಾರಣಾತ್ ॥ 13 ॥

ಅನ್ನಾದ್-ಭವಂತಿ ಭೂತಾನಿ / ಪರ್ಜನ್ಯಾದ್-ಅನ್ನಸಂಭವಃ ।
ಯಜ್ಞಾದ್-ಭವತಿ ಪರ್ಜನ್ಯೋ / ಯಜ್ಙಃ ಕರ್ಮಸಮುದ್-ಭವಃ ॥ 14 ॥

ಕರ್ಮ ಬ್ರಹ್ಮೋದ್-ಭವಂ ವಿದ್ಧಿ / ಬ್ರಹ್ಮಾಕ್ಷರ-ಸಮುದ್-ಭವಮ್ ।
ತಸ್ಮಾತ್-ಸರ್ವಗತಂ ಬ್ರಹ್ಮ / ನಿತ್ಯಂ ಯಜ್ಞೇ ಪ್ರತಿಷ್ಠಿತಮ್ ॥ 15 ॥

ಏವಂ ಪ್ರವರ್ತಿತಂ ಚಕ್ರಂ / ನಾನುವರ್ತಯತೀಹ ಯಃ ।
ಅಘಾಯುರ್-ಇಂದ್ರಿಯಾರಾಮೋ / ಮೋಘಂ ಪಾರ್ಥ ಸ ಜೀವತಿ ॥ 16 ॥

ಯಸ್ತ್ವಾತ್ಮರತಿರೇವ-ಸ್ಯಾತ್ / ಆತ್ಮ-ತೃಪ್ತಶ್ಚ ಮಾನವಃ ।
ಆತ್ಮನ್ಯೇವ ಚ ಸಂತುಷ್ಟಃ-ತಸ್ಯ ಕಾರ್ಯಂ ನ ವಿದ್ಯತೇ ॥ 17 ॥

ನೈವ ತಸ್ಯ ಕೃತೇನಾರ್ಥೋ / ನಾಕೃತೇನೇಹ ಕಶ್ಚನ ।
ನ ಚಾಸ್ಯ ಸರ್ವಭೂತೇಷು / ಕಶ್ಚಿದ್-ಅರ್ಥ-ವ್ಯಪಾಶ್ರಯಃ ॥ 18 ॥

ತಸ್ಮಾದ್-ಅಸಕ್ತಃ ಸತತಂ / ಕಾರ್ಯಂ ಕರ್ಮ ಸಮಾಚರ ।
ಅಸಕ್ತೋ ಹ್ಯಾಚರನ್-ಕರ್ಮ / ಪರಮಾಪ್ನೋತಿ ಪೂರುಷಃ ॥ 19 ॥

ಕರ್ಮಣೈವಹಿ-ಸಂಸಿದ್ಧಿಮ್ / ಆಸ್ಥಿತಾ-ಜನಕಾದಯಃ ।
ಲೋಕಸಂಗ್ರಹಮೇವಾಪಿ / ಸಂಪಶ್ಯನ್-ಕರ್ತುಮರ್ಹಸಿ ॥ 20 ॥

ಯದ್-ಯದ್-ಆಚರತಿ ಶ್ರೇಷ್ಠಃ / ತತ್ತದ್-ಏವೇತರೋ ಜನಃ ।
ಸ ಯತ್-ಪ್ರಮಾಣಂ ಕುರುತೇ / ಲೋಕಸ್-ತದನುವರ್ತತೇ ॥ 21 ॥

ನ ಮೇ ಪಾರ್ಥಾಸ್ತಿ ಕರ್ತವ್ಯಂ / ತ್ರಿಷು ಲೋಕೇಷು ಕಿಂಚನ ।
ನಾನವಾಪ್ತಮ್-ಅವಾಪ್ತವ್ಯಂ / ವರ್ತ ಏವ ಚ ಕರ್ಮಣಿ ॥ 22 ॥

ಯದಿ ಹ್ಯಹಂ ನ ವರ್ತೇಯಂ / ಜಾತು ಕರ್ಮಣ್ಯತಂದ್ರಿತಃ ।
ಮಮ ವರ್ತ್ಮಾನುವರ್ತಂತೇ / ಮನುಷ್ಯಾಃ ಪಾರ್ಥ ಸರ್ವಶಃ ॥ 23 ॥

ಉತ್ಸೀದೇಯುರಿಮೇ ಲೋಕಾಃ / ನ ಕುರ್ಯಾಂ ಕರ್ಮ ಚೇದಹಮ್ ।
ಸಂಕರಸ್ಯ ಚ ಕರ್ತಾ ಸ್ಯಾಮ್ / ಉಪಹನ್ಯಾಮಿಮಾಃ ಪ್ರಜಾಃ ॥ 24 ॥

ಸಕ್ತಾಃ ಕರ್ಮಣ್ಯವಿದ್ವಾಂಸೋ / ಯಥಾ ಕುರ್ವಂತಿ ಭಾರತ ।
ಕುರ್ಯಾದ್-ವಿದ್ವಾಂಸ್-ತಥಾ-ಸಕ್ತಃ / ಚಿಕೀರ್ಷುರ್-ಲೋಕ-ಸಂಗ್ರಹಮ್ ॥ 25 ॥

ನ ಬುದ್ಧಿಭೇದಂ ಜನಯೇತ್ / ಅಜ್ಞಾನಾಂ ಕರ್ಮಸಂಗಿನಾಮ್ ।
ಜೋಷಯೇತ್-ಸರ್ವಕರ್ಮಾಣಿ / ವಿದ್ವಾನ್-ಯುಕ್ತಃ ಸಮಾಚರನ್ ॥ 26 ॥

ಪ್ರಕೃತೇಃ ಕ್ರಿಯಮಾಣಾನಿ / ಗುಣೈಃ ಕರ್ಮಾಣಿ ಸರ್ವಶಃ ।
ಅಹಂಕಾರ-ವಿಮೂಢಾತ್ಮಾ / ಕರ್ತಾಹಮಿತಿ ಮನ್ಯತೇ ॥ 27 ॥

ತತ್ತ್ವವಿತ್ತು ಮಹಾಬಾಹೋ / ಗುಣ-ಕರ್ಮ-ವಿಭಾಗಯೋಃ ।
ಗುಣಾ ಗುಣೇಷು ವರ್ತಂತ / ಇತಿ ಮತ್ವಾ ನ ಸಜ್ಜತೇ ॥ 28 ॥

ಪ್ರಕೃತೇರ್-ಗುಣಸಂಮೂಢಾಃ / ಸಜ್ಜಂತೇ ಗುಣಕರ್ಮಸು ।
ತಾನಕೃತ್ಸ್ನವಿದೋ ಮಂದಾನ್ / ಕೃತ್ಸ್ನವಿನ್-ನ-ವಿಚಾಲಯೇತ್ ॥ 29 ॥

ಮಯಿ ಸರ್ವಾಣಿ ಕರ್ಮಾಣಿ / ಸಂನ್ಯಸ್ಯಾಧ್ಯಾತ್ಮ-ಚೇತಸಾ ।
ನಿರಾಶೀರ್-ನಿರ್ಮಮೋ-ಭೂತ್ವಾ / ಯುಧ್ಯಸ್ವ ವಿಗತಜ್ವರಃ ॥ 30 ॥

ಯೇ ಮೇ ಮತಮಿದಂ ನಿತ್ಯಮ್ / ಅನುತಿಷ್ಠಂತಿ ಮಾನವಾಃ ।
ಶ್ರದ್ಧಾವಂತೋಽನಸೂಯಂತೋ / ಮುಚ್ಯಂತೇ ತೇಽಪಿ ಕರ್ಮಭಿಃ ॥ 31 ॥

ಯೇ ತ್ವೇತದ್-ಅಭ್ಯಸೂಯಂತೋ / ನಾನುತಿಷ್ಠಂತಿ ಮೇ ಮತಮ್ ।
ಸರ್ವಜ್ಞಾನ-ವಿಮೂಢಾಂಸ್-ತಾನ್ / ವಿದ್ಧಿ ನಷ್ಟಾನಚೇತಸಃ ॥ 32 ॥

ಸದೃಶಂ ಚೇಷ್ಟತೇ ಸ್ವಸ್ಯಾಃ / ಪ್ರಕೃತೇರ್-ಜ್ಙಾನನವಾನಪಿ ।

ಪ್ರಕೃತಿಂ ಯಾಂತಿ ಭೂತಾನಿ / ನಿಗ್ರಹಃ ಕಿಂ ಕರಿಷ್ಯತಿ ॥ 33 ॥

ಇಂದ್ರಿಯಸ್ಯೇಂದ್ರಿಯಸ್ಯಾರ್ಥೇ / ರಾಗದ್ವೇಷೌ ವ್ಯವಸ್ಥಿತೌ ।
ತಯೋರ್-ನ-ವಶಮಾಗಚ್ಛೇತ್ / ತೌ-ಹ್ಯಸ್ಯ-ಪರಿಪಂಥಿನೌ ॥ 34 ॥

ಶ್ರೇಯಾನ್-ಸ್ವಧರ್ಮೋ ವಿಗುಣಃ / ಪರಧರ್ಮಾತ್-ಸುನುಷ್ಠಿತಾತ್ ।
ಸ್ವಧರ್ಮೇ ನಿಧನಂ ಶ್ರೇಯಃ / ಪರಧರ್ಮೋ ಭಯಾವಹಃ ॥ 35 ॥

ಅರ್ಜುನ ಉವಾಚ
ಅಥ ಕೇನ ಪ್ರಯುಕ್ತೋಽಯಂ / ಪಾಪಂ ಚರತಿ ಪೂರುಷಃ ।
ಅನಿಚ್ಛನ್ನಪಿ ವಾರ್ಷ್ಣೇಯ / ಬಲಾದಿವ ನಿಯೋಜಿತಃ ॥ 36 ॥

ಶ್ರೀಭಗವಾನುವಾಚ
ಕಾಮ ಏಷ ಕ್ರೋಧ ಏಷ / ರಜೋಗುಣ-ಸಮುದ್ಭವಃ ।
ಮಹಾಶನೋ ಮಹಾಪಾಪ್ಮಾ / ವಿದ್ಧ್ಯೇನಮಿಹ ವೈರಿಣಮ್ ॥ 37 ॥

ಧೂಮೇನಾವ್ರಿಯತೇ ವಹ್ನಿಃ / ಯಥಾ-ದರ್ಶೋ-ಮಲೇನ-ಚ ।
ಯಥೋಲ್ಬೇನಾವೃತೋ-ಗರ್ಭಃ / ತಥಾ-ತೇನೇದಮ್-ಆವೃತಮ್ ॥ 38 ॥

ಆವೃತಂ ಜ್ಞಾನಮೇತೇನ / ಜ್ಞಾನಿನೋ ನಿತ್ಯವೈರಿಣಾ ।
ಕಾಮರೂಪೇಣ ಕೌಂತೇಯ / ದುಷ್ಪೂರೇಣಾನಲೇನ ಚ ॥ 39 ॥

ಇಂದ್ರಿಯಾಣಿ ಮನೋ ಬುದ್ಧಿಃ / ಅಸ್ಯಾಧಿಷ್ಠಾನಮುಚ್ಯತೇ ।
ಏತೈರ್-ವಿಮೋಹಯತ್ಯೇಷ / ಜ್ಞಾನಮ್-ಆವೃತ್ಯ ದೇಹಿನಮ್ ॥ 40 ॥

ತಸ್ಮಾತ್-ತ್ವಮ್-ಇಂದ್ರಿಯಾಣ್ಯಾದೌ / ನಿಯಮ್ಯ ಭರತರ್ಷಭ ।
ಪಾಪ್ಮಾನಂ ಪ್ರಜಹಿ ಹ್ಯೇನಂ / ಜ್ಞಾನ-ವಿಜ್ಞಾನ-ನಾಶನಮ್ ॥ 41 ॥

ಇಂದ್ರಿಯಾಣಿ ಪರಾಣ್ಯಾಹುಃ / ಇಂದ್ರಿಯೇಭ್ಯಃ ಪರಂ ಮನಃ ।
ಮನಸಸ್ತು ಪರಾ ಬುದ್ಧಿಃ / ಯೋ ಬುದ್ಧೇಃ ಪರತಸ್ತು ಸಃ ॥ 42 ॥

ಏವಂ ಬುದ್ಧೇಃ ಪರಂ ಬುದ್ಧ್ವಾ / ಸಂಸ್ತಭ್ಯಾತ್-ಆನಮಾತ್ಮನಾ ।
ಜಹಿ ಶತ್ರುಂ ಮಹಾಬಾಹೋ / ಕಾಮರೂಪಂ ದುರಾಸದಮ್ ॥ 43 ॥

ಓಂ ತತ್ಸದಿತಿ ಶ್ರೀಮದ್-ಭಗವದ್ಗೀತಾಸು-ಉಪನಿಷತ್ಸು ಬ್ರಹ್ಮವಿದ್ಯಾಯಾಂ ಯೋಗಶಾಸ್ತ್ರೇ ಶ್ರೀಕೃಷ್ಣಾರ್ಜುನಸಂವಾದೇ ಕರ್ಮಯೋಗೋ ನಾಮ ತೃತೀಯೋಽಧ್ಯಾಯಃ ॥3 ॥