ಶ್ರೀಮದ್ಭಗವದ್ಗೀತಾ ಮೂಲಂ - ದ್ವಿತೀಯೋಽಧ್ಯಾಯಃ
ಓಂ ಶ್ರೀ ಪರಮಾತ್ಮನೇ ನಮಃ
ಅಥ ದ್ವಿತೀಯೋಽಧ್ಯಾಯಃ ।
ಸಾಂಖ್ಯಯೋಗಃ
ಸಂಜಯ ಉವಾಚ
ತಂ ತಥಾ ಕೃಪಯಾವಿಷ್ಟಮ್ / ಅಶ್ರುಪೂರ್ಣಾಕುಲೇಕ್ಷಣಮ್ ।
ವಿಷೀದಂತಮಿದಂ ವಾಕ್ಯಮ್ / ಉವಾಚ ಮಧುಸೂದನಃ ॥ 1 ॥
ಶ್ರೀ ಭಗವಾನುವಾಚ
ಕುತಸ್ತ್ವಾ ಕಶ್ಮಲಮಿದಂ / ವಿಷಮೇ ಸಮುಪಸ್ಥಿತಮ್ ।
ಅನಾರ್ಯಜುಷ್ಟಮ್-ಅಸ್ವರ್ಗ್ಯಮ್ / ಅಕೀರ್ತಿಕರಮ್-ಅರ್ಜುನ ॥ 2 ॥
ಕ್ಲೈಬ್ಯಂ ಮಾ ಸ್ಮ ಗಮಃ ಪಾರ್ಥ / ನೈತತ್-ತ್ವಯ್ಯುಪಪದ್ಯತೇ ।
ಕ್ಷುದ್ರಂ ಹೃದಯ-ದೌರ್ಬಲ್ಯಂ / ತ್ಯಕ್ತ್ವೋತ್ತಿಷ್ಠ ಪರಂತಪ ॥ 3 ॥
ಅರ್ಜುನ ಉವಾಚ
ಕಥಂ ಭೀಷ್ಮಮಹಂ ಸಾಂಖ್ಯೇ / ದ್ರೋಣಂ ಚ ಮಧುಸೂದನ ।
ಇಷುಭಿಃ ಪ್ರತಿಯೋತ್ಸ್ಯಾಮಿ / ಪೂಜಾರ್ಹಾವರಿಸೂದನ ॥ 4 ॥
ಗುರೂನಹತ್ವಾ ಹಿ ಮಹಾನುಭಾವಾನ್
ಶ್ರೇಯೋಭೋಕ್ತುಂ ಭೈಕ್ಷ್ಯಮ್-ಅಪೀಹ ಲೋಕೇ ।
ಹತ್ವಾರ್ಥಕಾಮಾಂಸ್ತು ಗುರುನಿಹೈವ
ಭುಂಜೀಯ ಭೋಗಾನ್ ರುಧಿರ-ಪ್ರದಿಗ್ಧಾನ್ ॥ 5 ॥
ನ ಚೈತದ್-ವಿದ್ಮಃ ಕತರನ್ನೋ ಗರೀಯೋ
ಯದ್ವಾ ಜಯೇಮ ಯದಿ ವಾ ನೋ ಜಯೇಯುಃ।
ಯಾನೇವ ಹತ್ವಾ ನ ಜಿಜೀವಿಷಾಮಃ
ತೇಽವಸ್ಥಿತಾಃ ಪ್ರಮುಖೇ ಧಾರ್ತರಾಷ್ಟ್ರಾಃ ॥ 6 ॥
ಕಾರ್ಪಣ್ಯ-ದೋಷೋಪಹತ-ಸ್ವಭಾವಃ
ಪೃಚ್ಛಾಮಿ ತ್ವಾಂ ಧರ್ಮ-ಸಂಮೂಢ-ಚೇತಾಃ।
ಯತ್-ಶ್ರೇಯಃ-ಸ್ಯಾನ್ ನಿಶ್ಚಿತಂ ಬ್ರೂಹಿ ತನ್ಮೇ
ಶಿಷ್ಯಸ್ತೇಽಹಂ ಶಾಧಿ ಮಾಂ ತ್ವಾಂ ಪ್ರಪನ್ನಮ್ ॥ 7 ॥
ನ ಹಿ ಪ್ರಪಶ್ಯಾಮಿ ಮಮಾಪನುತ್
ಯತ್-ಶೋಕಮ್-ಉಚ್ಛೋಷಣಮ್-ಇಂದ್ರಿಯಾಣಾಂ।
ಅವಾಪ್ಯ ಭೂಮಾವ್-ಅಸಪತ್ನಮೃದ್ಧಂ
ರಾಜ್ಯಂ ಸುರಾಣಾಮಪಿ ಚಾಧಿಪತ್ಯಮ್ ॥ 8 ॥
ಸಂಜಯ ಉವಾಚ
ಏವಮುಕ್ತ್ವಾ ಹೃಷೀಕೇಶಂ / ಗುಡಾಕೇಶಃ ಪರಂತಪ ।
ನ ಯೋತ್ಸ್ಯ ಇತಿ ಗೋವಿಂದಮ್ / ಉಕ್ತ್ವಾ ತೂಷ್ಣೀಂ ಬಭೂವ ಹ ॥ 9 ॥
ತಮುವಾಚ ಹೃಷೀಕೇಶಃ / ಪ್ರಹಸನ್ನಿವ ಭಾರತ ।
ಸೇನಯೋರ್-ಉಭಯೋರ್-ಮಧ್ಯೇ / ವಿಷೀದಂತಮ್-ಇದಂ ವಚಃ ॥ 10 ॥
ಶ್ರೀಭಗವಾನುವಾಚ ।
ಅಶೋಚ್ಯಾನ್-ಅನ್ವಶೋಚಸ್-ತ್ವಂ / ಪ್ರಜ್ಞಾವಾದಾಂಶ್ಚ ಭಾಷಸೇ ।
ಗತಾಸೂನ್-ಅಗತಾಸೂಂಶ್ಚ / ನಾನುಶೋಚಂತಿ ಪಂಡಿತಾಃ ॥ 11 ॥
ನ ತ್ವೇವಾಹಂ ಜಾತು ನಾಸಂ / ನ ತ್ವಂ ನೇಮೇ ಜನಾಧಿಪಾಃ ।
ನ ಚೈವ ನ ಭವಿಷ್ಯಾಮಃ / ಸರ್ವೇ ವಯಮತಃ ಪರಮ್ ॥ 12 ॥
ದೇಹಿನೋಽಸ್ಮಿನ್-ಯಥಾ ದೇಹೇ / ಕೌಮಾರಂ ಯೌವನಂ ಜರಾ ।
ತಥಾ ದೇಹಾಂತರಃ-ಪ್ರಾಪ್ತಿರ್ / ಧೀರಸ್-ತತ್ರ ನ ಮುಹ್ಯತಿ ॥ 13 ॥
ಮಾತ್ರಾಸ್ಪರ್ಶಾಸ್ತು ಕೌಂತೇಯ / ಶೀತೋಷ್ಣ-ಸುಖ-ದುಃಖದಾಃ ।
ಆಗಮ-ಅಪಾಯಿನೋಽನಿತ್ಯಾಃ / ತಾಂಸ್-ತಿತಿಕ್ಷಸ್ವ ಭಾರತ ॥ 14 ॥
ಯಂ ಹಿ ನ ವ್ಯಥಯಂತ್ಯೇತೇ / ಪುರುಷಂ ಪುರುಷರ್ಷಭ ।
ಸಮ-ದುಃಖ-ಸುಖಂ ಧೀರಂ / ಸೋಽಮೃತತ್ವಾಯ ಕಲ್ಪತೇ ॥ 15 ॥
ನಾಸತೋ ವಿದ್ಯತೇ ಭಾವೋ / ನಾಭಾವೋ ವಿದ್ಯತೇ ಸತಃ ।
ಉಭಯೋರಪಿ ದೃಷ್ಟೋಽಂತಃ / ತ್ವನಯೋಸ್-ತತ್-ತ್ವ-ದರ್ಶಿಭಿಃ ॥ 16 ॥
ಅವಿನಾಶಿ ತು ತದ್-ವಿದ್ಧಿ / ಯೇನ ಸರ್ವಮಿದಂ ತತಮ್ ।
ವಿನಾಶಮ್-ಅವ್ಯಯಸ್ಯಾಸ್ಯ / ನ ಕಶ್ಚಿತ್-ಕರ್ತುಮ್-ಅರ್ಹತಿ ॥ 17 ॥
ಅಂತವಂತ ಇಮೇ ದೇಹಾ / ನಿತ್ಯಸ್ಯೋಕ್ತಾಃ ಶರೀರಿಣಃ ।
ಅನಾಶಿನೋಽಪ್ರಮೇಯಸ್ಯ / ತಸ್ಮಾದ್-ಯುಧ್ಯಸ್ವ ಭಾರತ ॥ 18 ॥
ಯ ಏನಂ ವೇತ್ತಿ ಹಂತಾರಂ / ಯಶ್ಚೈನಂ ಮನ್ಯತೇ ಹತಮ್ ।
ಉಭೌ ತೌ ನ ವಿಜಾನೀತೋ / ನಾಯಂ ಹಂತಿ ನ ಹನ್ಯತೇ ॥ 19 ॥
ನ ಜಾಯತೇ ಮ್ರಿಯತೇ ವಾ ಕದಾಚಿತ್
ನಾಯಂ ಭೂತ್ವಾ ಭವಿತಾ ವಾ ನ ಭೂಯಃ ।
ಅಜೋ ನಿತ್ಯಃ ಶಾಶ್ವತೋಽಯಂ ಪುರಾಣೋ
ನ ಹನ್ಯತೇ ಹನ್ಯಮಾನೇ ಶರೀರೇ ॥ 20 ॥
ವೇದಾವಿನಾಶಿನಂ ನಿತ್ಯಂ / ಯ ಏನಮ್-ಅಜಮ್-ಅವ್ಯಯಮ್ ।
ಅಥಂ ಸ ಪುರುಷಃ ಪಾರ್ಥ / ಕಂ ಘಾತಯತಿ ಹಂತಿ ಕಮ್ ॥ 21॥
ವಾಸಾಂಸಿ ಜೀರ್ಣಾನಿ ಯಥಾ ವಿಹಾಯ
ನವಾನಿ ಗೃಹ್ಣಾತಿ ನರೋಽಪರಾಣಿ ।
ತಥಾ ಶರೀರಾಣಿ ವಿಹಾಯ ಜೀರ್ಣಾನಿ
ಅನ್ಯಾನಿ ಸಂಯಾತಿ ನವಾನಿ ದೇಹೀ ॥ 22 ॥
ನೈನಂ ಛಿಂದಂತಿ ಶಸ್ತ್ರಾಣಿ / ನೈನಂ ದಹತಿ ಪಾವಕಃ ।
ನ ಚೈನಂ ಕ್ಲೇದಯಂತ್ಯಾಪೋ / ನ ಶೋಷಯತಿ ಮಾರುತಃ ॥ 23 ॥
ಅಚ್ಛೇದ್ಯೋಽಯಮ್-ಅದಾಹ್ಯೋಽಯಮ್ / ಅಕ್ಲೇದ್ಯೋಽಶೋಷ್ಯ ಏವ ಚ ।
ನಿತ್ಯಃ ಸರ್ವಗತಃ ಸ್ಥಾಣುಃ / ಅಚಲೋಽಯಂ ಸನಾತನಃ ॥ 24 ॥
ಅವ್ಯಕ್ತೋಽಯಮ್-ಅಚಿಂತ್ಯೋಽಯಮ್ ಅವಿಕಾರ್ಯೋಽಯಮ್-ಉಚ್ಯತೇ ।
ತಸ್ಮಾದೇವಂ ವಿದಿತ್ವೈನಂ / ನಾನುಶೋಚಿತುಮ್-ಅರ್ಹಸಿ ॥ 25 ॥
ಅಥ ಚೈನಂ ನಿತ್ಯಜಾತಂ / ನಿತ್ಯಂ ವಾ ಮನ್ಯಸೇ ಮೃತಮ್ ।
ತಥಾಪಿ ತ್ವಂ ಮಹಾಬಾಹೋ / ನೈವಂ ಶೋಚಿತುಮ್-ಅರ್ಹಸಿ ॥ 26 ॥
ಜಾತಸ್ಯ ಹಿ ಧ್ರುವೋ ಮೃತ್ಯುಃ / ಧ್ರುವಂ ಜನ್ಮ ಮೃತಸ್ಯ ಚ ।
ತಸ್ಮಾದ್-ಅಪರಿಹಾರ್ಯೇಽರ್ಥೇ / ನ ತ್ವಂ ಶೋಚಿತುಮ್-ಅರ್ಹಸಿ ॥ 27 ॥
ಅವ್ಯಕ್ತಾದೀನಿ ಭೂತಾನಿ / ವ್ಯಕ್ತಮಧ್ಯಾನಿ ಭಾರತ ।
ಅವ್ಯಕ್ತ-ನಿಧನಾನ್ಯೇವ / ತತ್ರ ಕಾ ಪರಿದೇವನಾ ॥ 28 ॥
ಆಶ್ಚರ್ಯವತ್-ಪಶ್ಯತಿ ಕಶ್ಚಿದೇನಮ್
ಆಶ್ಚರ್ಯವತ್-ವದತಿ ತಥೈವ ಚಾನ್ಯಃ।
ಆಶ್ಚರ್ಯವತ್-ಚೈನಮ್-ಅನ್ಯಃ ಶೃಣೋತಿ
ಶ್ರುತ್ವಾಪ್ಯೇನಂ ವೇದ ನ ಚೈವ ಕಶ್ಚಿತ್ ॥ 29 ॥
ದೇಹೀ ನಿತ್ಯಮ್-ಅವಧ್ಯೋಽಯಂ / ದೇಹೇ ಸರ್ವಸ್ಯ ಭಾರತ ।
ತಸ್ಮಾತ್-ಸರ್ವಾಣಿ ಭೂತಾನಿ / ನ ತ್ವಂ ಶೋಚಿತುಮರ್ಹಸಿ ॥ 30 ॥
ಸ್ವಧರ್ಮಮಪಿ ಚಾವೇಕ್ಷ್ಯ / ನ-ವಿಕಂಪಿತುಮ್-ಅರ್ಹಸಿ ।
ಧರ್ಮ್ಯಾದ್ಧಿ ಯುದ್ಧಾತ್-ಶ್ರೇಯೋಽನ್ಯತ್ / ಕ್ಷತ್ರಿಯಸ್ಯ ನ ವಿದ್ಯತೇ ॥ 31 ॥
ಯದೃಚ್ಛಯಾ ಚೋಪಪನ್ನಂ / ಸ್ವರ್ಗದ್ವಾರಮ್-ಅಪಾವೃತಮ್ ।
ಸುಖಿನಃ ಕ್ಷತ್ರಿಯಾಃ ಪಾರ್ಥ / ಲಭಂತೇ ಯುದ್ಧಮ್-ಈದೃಶಮ್ ॥ 32 ॥
ಅಥ ಚೇತ್-ತ್ವಮ್-ಇಮಂ ಧರ್ಮ್ಯಂ / ಸಂಗ್ರಾಮಂ ನ ಕರಿಷ್ಯಸಿ ।
ತತಃ ಸ್ವಧರ್ಮಂ ಕೀರ್ತಿಂ ಚ / ಹಿತ್ವಾ ಪಾಪಮ್-ಅವಾಪ್ಸ್ಯಸಿ ॥ 33 ॥
ಅಕೀರ್ತಿಂ ಚಾಪಿ ಭೂತಾನಿ / ಕಥಯಿಷ್ಯಂತಿ ತೇಽವ್ಯಯಾಮ್ ।
ಸಂಭಾವಿತಸ್ಯ ಚಾಕೀರ್ತಿರ್ / ಮರಣಾದ್-ಅತಿರಿಚ್ಯತೇ ॥ 34 ॥
ಭಯಾದ್-ರಣಾದುಪರತಂ / ಮಂಸ್ಯಂತೇ ತ್ವಾಂ ಮಹಾರಥಾಃ ।
ಯೇಷಾಂ ಚ ತ್ವಂ ಬಹುಮತೋ / ಭೂತ್ವಾ ಯಾಸ್ಯಸಿ ಲಾಘವಮ್ ॥ 35 ॥
ಅವಾಚ್ಯವಾದಾಂಶ್ಚ ಬಹೂನ್ /ವದಿಷ್ಯಂತಿ ತವಾಹಿತಾಃ ।
ನಿಂದಂತಸ್-ತವ ಸಾಮರ್ಥ್ಯಂ / ತತೋ ದುಃಖತರಂ ನು ಕಿಮ್ ॥ 36 ॥
ಹತೋ ವಾ ಪ್ರಾಪ್ಸ್ಯಸಿ ಸ್ವರ್ಗಂ / ಜಿತ್ವಾ ವಾ ಭೋಕ್ಷ್ಯಸೇ ಮಹೀಮ್ ।
ತಸ್ಮಾದ್-ಉತ್ತಿಷ್ಠ ಕೌಂತೇಯ / ಯುದ್ಧಾಯ ಕೃತನಿಶ್ಚಯಃ ॥ 37 ॥
ಸುಖದುಃಖೇ ಸಮೇ ಕೃತ್ವಾ / ಲಾಭಾಲಾಭೌ ಜಯಾಜಯೌ ।
ತತೋ ಯುದ್ಧಾಯ ಯುಜ್ಯಸ್ವ / ನೈವಂ ಪಾಪಮ್-ಅವಾಪ್ಸ್ಯಸಿ ॥ 38 ॥
ಏಷಾ ತೇಽಭಿಹಿತಾ ಸಾಂಖ್ಯೇ / ಬುದ್ಧಿರ್-ಯೋಗೇ-ತ್ವಿಮಾಂ ಶೃಣು ।
ಬುದ್ಧ್ಯಾ ಯುಕ್ತೋ ಯಯಾ ಪಾರ್ಥ / ಕರ್ಮಬಂಧಂ ಪ್ರಹಾಸ್ಯಸಿ ॥ 39 ॥
ನೇಹಾಭಿಕ್ರಮನಾಶೋಽಸ್ತಿ / ಪ್ರತ್ಯವಾಯೋ ನ ವಿದ್ಯತೇ ।
ಸ್ವಲ್ಪಮಪ್ಯಸ್ಯ ಧರ್ಮಸ್ಯ / ತ್ರಾಯತೇ ಮಹತೋ ಭಯಾತ್ ॥ 40 ॥
ವ್ಯವಸಾಯಾತ್ಮಿಕಾ ಬುದ್ಧಿರ್ / ಏಕೇಹ ಕುರುನಂದನ ।
ಬಹುಶಾಖಾ ಹ್ಯನಂತಾಶ್ಚ / ಬುದ್ಧಯೋಽವ್ಯವಸಾಯಿನಾಮ್ ॥ 41 ॥
ಯಾಮಿಮಾಂ ಪುಷ್ಪಿತಾಂ ವಾಚಂ / ಪ್ರವದಂತ್ಯವಿಪಶ್ಚಿತಃ ।
ವೇದವಾದರತಾಃ ಪಾರ್ಥ / ನಾನ್ಯದ್-ಅಸ್ತೀತಿ ವಾದಿನಃ ॥ 42 ॥
ಕಾಮಾತ್ಮಾನಃ ಸ್ವರ್ಗಪರಾ / ಜನ್ಮ-ಕರ್ಮ-ಫಲಪ್ರದಾಮ್ ।
ಕ್ರಿಯಾವಿಶೇಷ-ಬಹುಲಾಂ / ಭೋಗೈಶ್ವರ್ಯ-ಗತಿಂ ಪ್ರತಿ ॥ 43 ॥
ಭೋಗೈಶ್ವರ್ಯ-ಪ್ರಸಕ್ತಾನಾಂ / ತಯಾಪಹೃತ-ಚೇತಸಾಮ್ ।
ವ್ಯವಸಾಯಾತ್ಮಿಕಾ ಬುದ್ಧಿಃ / ಸಮಾಧೌ ನ ವಿಧೀಯತೇ ॥ 44 ॥
ತ್ರೈಗುಣ್ಯವಿಷಯಾ ವೇದಾಃ / ನಿಸ್ತ್ರೈಗುಣ್ಯೋ ಭವಾರ್ಜುನ ।
ನಿರ್ದ್ವಂದ್ವೋ ನಿತ್ಯ-ಸತ್ತ್ವಸ್ಥೋ / ನಿರ್ಯೋಗಕ್ಷೇಮ ಆತ್ಮವಾನ್ ॥ 45 ॥
ಯಾವಾನರ್ಥ ಉದಪಾನೇ / ಸರ್ವತಃ ಸಂಪ್ಲುತೋದಕೇ ।
ತಾವಾನ್-ಸರ್ವೇಷು ವೇದೇಷು / ಬ್ರಾಹ್ಮಣಸ್ಯ ವಿಜಾನತಃ ॥ 46 ॥
ಕರ್ಮಣ್ಯೇವಾಧಿಕಾರಸ್ತೇ / ಮಾ ಫಲೇಷು ಕದಾಚನ ।
ಮಾ ಕರ್ಮಫಲಹೇತುರ್-ಭೂಃ / ಮಾ ತೇ ಸಂಗೋಽಸ್ತು-ಅಕರ್ಮಣಿ ॥ 47 ॥
ಯೋಗಸ್ಥಃ ಕುರು ಕರ್ಮಾಣಿ / ಸಂಗಂ ತ್ಯಕ್ತ್ವಾ ಧನಂಜಯ ।
ಸಿದ್ಧ್ಯಸಿದ್ಧ್ಯೋಃ ಸಮೋ ಭೂತ್ವಾ / ಸಮತ್ವಂ ಯೋಗ ಉಚ್ಯತೇ ॥ 48 ॥
ದೂರೇಣ ಹ್ಯವರಂ ಕರ್ಮ / ಬುದ್ಧಿಯೋಗಾದ್-ಧನಂಜಯ ।
ಬುದ್ಧೌ ಶರಣಮ್-ಅನ್ವಿಚ್ಛ / ಕೃಪಣಾಃ ಫಲಹೇತವಃ ॥ 49 ॥
ಬುದ್ಧಿಯುಕ್ತೋ ಜಹಾತೀಹ / ಉಭೇ ಸುಕೃತ-ದುಷ್ಕೃತೇ ।
ತಸ್ಮಾತ್-ಯೋದ್ಯೋಗಾಯ ಯುಜ್ಯಸ್ವ / ಯೋಗಃ ಕರ್ಮಸು ಕೌಶಲಮ್ ॥ 50 ॥
ಕರ್ಮಜಂ ಬುದ್ಧಿಯುಕ್ತಾ ಹಿ / ಫಲಂ ತ್ಯಕ್ತ್ವಾ ಮನೀಷಿಣಃ ।
ಜನ್ಮ-ಬಂಧ-ವಿನಿರ್ಮುಕ್ತಾಃ / ಪದಂ ಗಚ್ಛಂತ್ಯನಾಮಯಮ್ ॥ 51 ॥
ಯದಾ ತೇ ಮೋಹಕಲಿಲಂ / ಬುದ್ಧಿರ್-ವ್ಯತಿತರಿಷ್ಯತಿ ।
ತದಾ ಗಂತಾಸಿ ನಿರ್ವೇದಂ / ಶ್ರೋತವ್ಯಸ್ಯ ಶ್ರುತಸ್ಯ ಚ ॥ 52 ॥
ಶ್ರುತಿವಿಪ್ರತಿಪನ್ನಾ ತೇ / ಯದಾ ಸ್ಥಾಸ್ಯತಿ ನಿಶ್ಚಲಾ ।
ಸಮಾಧಾವ್-ಅಚಲಾ ಬುದ್ಧಿಃ / ತದಾ ಯೋಗಮ್-ಅವಾಪ್ಸ್ಯಸಿ ॥ 53 ॥
ಅರ್ಜುನ ಉವಾಚ
ಸ್ಥಿತಪ್ರಜ್ಞಸ್ಯ ಕಾ ಭಾಷಾ / ಸಮಾಧಿಸ್ಥಸ್ಯ-ಕೇಶವ ।
ಸ್ಥಿತಧೀಃ ಕಿಂ ಪ್ರಭಾಷೇತ / ಕಿಮಾಸೀತ ವ್ರಜೇತ ಕಿಮ್ ॥ 54 ॥
ಶ್ರೀಭಗವಾನುವಾಚ
ಪ್ರಜಹಾತಿ ಯದಾ ಕಾಮಾನ್ /ಸರ್ವಾನ್-ಪಾರ್ಥ ಮನೋಗತಾನ್ ।
ಆತ್ಮನ್ಯೇವಾತ್ಮನಾ ತುಷ್ಟಃ / ಸ್ಥಿತ-ಪ್ರಜ್ಞಸ್-ತದೋಚ್ಯತೇ ॥ 55 ॥
ದುಃಖೇಷು-ಅನುದ್ವಿಗ್ನ-ಮನಾಃ / ಸುಖೇಷು ವಿಗತಸ್ಪೃಹಃ ।
ವೀತರಾಗ-ಭಯ-ಕ್ರೋಧಃ / ಸ್ಥಿತಧೀರ್-ಮುನಿರುಚ್ಯತೇ ॥ 56 ॥
ಯಃ ಸರ್ವತ್ರಾನ್-ಅಭಿಸ್ನೇಹಃ / ತತ್-ತತ್-ಪ್ರಾಪ್ಯ ಶುಭಾಶುಭಮ್ ।
ನಾಭಿನಂದತಿ ನ ದ್ವೇಷ್ಟಿ / ತಸ್ಯ ಪ್ರಜ್ಞಾ ಪ್ರತಿಷ್ಠಿತಾ ॥ 57 ॥
ಯದಾ ಸಂಹರತೇ ಚಾಯಂ / ಕೂರ್ಮೋಽಂಗಾನೀವ ಸರ್ವಶಃ ।
ಇಂದ್ರಿಯಾಣೀಂದ್ರಿಯಾರ್ಥೇಭ್ಯಃ / ತಸ್ಯ ಪ್ರಜ್ಞಾ ಪ್ರತಿಷ್ಠಿತಾ ॥ 58 ॥
ವಿಷಯಾ ವಿನಿವರ್ತಂತೇ / ನಿರಾಹಾರಸ್ಯ ದೇಹಿನಃ ।
ರಸವರ್ಜಂ ರಸೋಽಪ್ಯಸ್ಯ / ಪರಂ ದೃಷ್ಟ್ವಾ ನಿವರ್ತತೇ ॥ 59 ॥
ಯತತೋ ಹ್ಯಪಿ ಕೌಂತೇಯ / ಪುರುಷಸ್ಯ ವಿಪಶ್ಚಿತಃ ।
ಇಂದ್ರಿಯಾಣಿ ಪ್ರಮಾಥೀನಿ / ಹರಂತಿ ಪ್ರಸಭಂ ಮನಃ ॥ 60 ॥
ತಾನಿ ಸರ್ವಾಣಿ ಸಂಯಮ್ಯ / ಯುಕ್ತ ಆಸೀತ ಮತ್ಪರಃ ।
ವಶೇ ಹಿ ಯಸ್ಯ-ಇಂದ್ರಿಯಾಣಿ / ತಸ್ಯ ಪ್ರಜ್ಞಾ ಪ್ರತಿಷ್ಠಿತಾ ॥ 61 ॥
ಧ್ಯಾಯತೋ ವಿಷಯಾನ್-ಪುಂಸಃ / ಸಂಗಸ್-ತೇಷೂಪಜಾಯತೇ ।
ಸಂಗಾತ್-ಸಂಜಾಯತೇ ಕಾಮಃ / ಕಾಮಾತ್-ಕ್ರೋಧೋಽಭಿಜಾಯತೇ ॥ 62 ॥
ಕ್ರೋಧಾದ್-ಭವತಿ ಸಂಮೋಹಃ / ಸಂಮೋಹಾತ್-ಸ್ಮೃತಿ-ವಿಭ್ರಮಃ ।
ಸ್ಮೃತಿ-ಭ್ರಂಶಾದ್-ಬುದ್ಧಿನಾಶೋ / ಬುದ್ಧಿನಾಶಾತ್-ಪ್ರಣಶ್ಯತಿ ॥ 63 ॥
ರಾಗ-ದ್ವೇಷ-ವಿಮುಕ್ತೈಸ್-ತು / ವಿಷಯಾನ್-ಇಂದ್ರಿಯೈಶ್-ಚರನ್ ।
ಆತ್ಮವಶ್ಯೈರ್-ವಿಧೇಯಾತ್ಮಾ / ಪ್ರಸಾದಮ್-ಅಧಿಗಚ್ಛತಿ ॥ 64 ॥
ಪ್ರಸಾದೇ ಸರ್ವದುಃಖಾನಾಂ / ಹಾನಿರ್-ಅಸ್ಯೋಪಜಾಯತೇ ।
ಪ್ರಸನ್ನಚೇತಸೋ ಹ್ಯಾಶು / ಬುದ್ಧಿಃ ಪರ್ಯವತಿಷ್ಠತೇ ॥ 65 ॥
ನಾಸ್ತಿ ಬುದ್ಧಿರ್-ಅಯುಕ್ತಸ್ಯ / ನ ಚಾಯುಕ್ತಸ್ಯ ಭಾವನಾ ।
ನ ಚಾಭಾವಯತಃ ಶಾಂತಿಃ / ಅಶಾಂತಸ್ಯ ಕುತಃ ಸುಖಮ್ ॥ 66 ॥
ಇಂದ್ರಿಯಾಣಾಂ ಹಿ ಚರತಾಂ / ಯನ್-ಮನೋಽನು-ವಿಧೀಯತೇ ।
ತದಸ್ಯ ಹರತಿ ಪ್ರಜ್ಞಾಂ / ವಾಯುರ್-ನಾವಮ್-ಇವಾಂಭಸಿ ॥ 67 ॥
ತಸ್ಮಾದ್-ಯಸ್ಯ ಮಹಾಬಾಹೋ / ನಿಗೃಹೀತಾನಿ ಸರ್ವಶಃ ।
ಇಂದ್ರಿಯಾಣೀಂದ್ರಿಯಾರ್ಥೇಭ್ಯಃ / ತಸ್ಯ ಪ್ರಜ್ಞಾ ಪ್ರತಿಷ್ಠಿತಾ ॥ 68 ॥
ಯಾ ನಿಶಾ ಸರ್ವಭೂತಾನಾಂ / ತಸ್ಯಾಂ ಜಾಗರ್ತಿ ಸಂಯಮೀ ।
ಯಸ್ಯಾಂ ಜಾಗ್ರತಿ ಭೂತಾನಿ / ಸಾ ನಿಶಾ ಪಶ್ಯತೋ ಮುನೇಃ ॥ 69 ॥
ಆಪೂರ್ಯಮಾಣಮ್-ಅಚಲಪ್ರತಿಷ್ಠಂ
ಸಮುದ್ರಮಾಪಃ ಪ್ರವಿಶಂತಿ ಯದ್ವತ್।
ತದ್ವತ್ಕಾಮಾ ಯಂ ಪ್ರವಿಶಂತಿ ಸರ್ವೇ
ಸ ಶಾಂತಿಮಾಪ್ನೋತಿ ನ ಕಾಮಕಾಮೀ ॥ 70 ॥
ವಿಹಾಯ ಕಾಮಾನ್ಯಃ ಸರ್ವಾನ್ / ಪುಮಾಂಶ್ಚರತಿ ನಿಃಸ್ಪೃಹಃ ।
ನಿರ್ಮಮೋ ನಿರಹಂಕಾರಃ / ಸ ಶಾಂತಿಮಧಿಗಚ್ಛತಿ ॥ 71 ॥
ಏಷಾ ಬ್ರಾಹ್ಮೀ ಸ್ಥಿತಿಃ ಪಾರ್ಥ / ನೈನಾಂ ಪ್ರಾಪ್ಯ ವಿಮುಹ್ಯತಿ ।
ಸ್ಥಿತ್ವಾಸ್ಯಾಮ್-ಅಂತಕಾಲೇಽಪಿ / ಬ್ರಹ್ಮ-ನಿರ್ವಾಣಮೃಚ್ಛತಿ ॥ 72 ॥
ಓಂ ತತ್ಸದಿತಿ ಶ್ರೀಮದ್ಭಗವದ್ಗೀತಾಸೂಪನಿಷತ್ಸು ಬ್ರಹ್ಮವಿದ್ಯಾಯಾಂ ಯೋಗಶಾಸ್ತ್ರೇ ಶ್ರೀಕೃಷ್ಣಾರ್ಜುನಸಂವಾದೇ ಸಾಂಖ್ಯಯೋಗೋ ನಾಮ ದ್ವಿತೀಯೋಽಧ್ಯಾಯಃ ॥2 ॥
Comments
Post a Comment