శివ తాండవ స్తోత్రం
జటాటవీ-గలజ్జల-ప్రవాహ-పావిత-స్థలే
గలే-వలంబ్య లంబితాం భుజంగ-తుంగ-మాలికామ్ ।
డమడ్-డమడ్-డమడ్-డమన్-నినాదవడ్-డమర్వయం
చకార చండ-తాండవం-తనోతు నః శివః శివమ్ ॥ ౧ ॥
జటా-కటాహ-సంభ్రమ-భ్రమ-న్నిలింప-నిర్ఝరీ-
-విలోల-వీచివల్లరీ-విరాజ-మాన-మూర్ధని ।
ధగద్-ధగద్-ధగద్-జ్వలల్లలాట-పట్ట-పావకే
కిశోర-చంద్రశేఖరే రతిః ప్రతిక్షణం మమ ॥ ౨ ॥
ధరా-ధరేంద్ర-నందినీ-విలాస-బంధు-బంధుర
స్ఫుర-ద్దిగంత-సంతతి-ప్రమోద-మాన-మానసే ।
కృపాకటాక్ష-ధోరణీ-నిరుద్ధ-దుర్ధరాపది
క్వచిద్-దిగంబరే మనో వినోదమ్-ఏతు వస్తుని ॥ ౩ ॥
జటా-భుజంగ-పింగళ-స్ఫురత్ఫణా-మణి-ప్రభా
కదంబ-కుంకుమ-ద్రవ-ప్రలిప్త-దిగ్వధూ-ముఖే ।
మదాంధ-సింధుర-స్ఫురత్-త్వగ్-ఉత్తరీయ-మేదురే
మనో వినోదమ్-అద్భుతం బిభర్తు భూత-భర్తరి ॥ ౪ ॥
సహస్ర-లోచన-ప్రభృత్-యశేషలేఖ-శేఖర
ప్రసూన-ధూళి-ధోరణీ విధూసరాంఘ్రి-పీఠభూః ।
భుజంగ-రాజ-మాలయా నిబద్ధ-జాట-జూటక
శ్రియై-చిరాయ జాయతాం చకోర-బంధు-శేఖరః ॥ ౫ ॥
లలాట-చత్వర-జ్వల-ద్ధనంజయ-స్ఫులింగ-భా-
-నిపీత-పంచ-సాయకం నమన్-నిలింప-నాయకమ్ ।
సుధా-మయూఖ-లేఖయా విరాజ-మాన-శేఖరం
మహా-కపాలి-సంపదే-శిరో-జటాలమ్-అస్తు నః ॥ ౬ ॥
కరాల-ఫాల-పట్టికా-ధగ-ద్ధగ-ద్ధగ-జ్జ్వల-
-ద్ధనంజయాధరీ-కృత-ప్రచండ-పంచ-సాయకే ।
ధరా-ధరేంద్ర-నందినీ-కుచాగ్ర-చిత్ర-పత్రక-
-ప్రకల్ప-నైక-శిల్పిని త్రిలోచనే మతిర్మమ ॥ ౭ ॥
నవీన-మేఘ-మండలీ నిరుద్ధ-దుర్ధర-స్ఫురత్-
కుహూ-నిశీథినీ-తమః ప్రబంధ-బంధు-కంధరః ।
నిలింప-నిర్ఝరీ-ధర-స్తనోతు కృత్తి-సింధురః
కళా-నిధాన-బంధురః శ్రియం జగద్-దురంధరః ॥ ౮ ॥
ప్రఫుల్ల-నీల-పంకజ-ప్రపంచ-కాలిమ-ప్రభా-
-वిలంబి-కంఠ-కందలీ-రుచి-ప్రబద్ధ-కంధరమ్ ।
స్మరచ్చిదం పురచ్చిదం భవచ్చిదం మఖచ్చిదం
గజ-చ్చిదాంధక-చ్చిదం తమంతక-చ్చిదం భజే ॥ ౯ ॥
అగర్వ-సర్వ-మంగళా-కళా-కదంబ-మంజరీ
రస-ప్రవాహ-మాధురీ విజృంభణా-మధువ్రతమ్ ।
స్మరాంతకం పురాంతకం భవాంతకం మఖాంతకం
గజాంతకాంధకాంతకం తమంతకాంతకం భజే ॥ ౧౦ ॥
జయత్వద-భ్రవి-భ్రమ-భ్రమద్-భుజంగమశ్వస-
-ద్వినిర్గమత్-క్రమ-స్ఫురత్-కరాల-ఫాల-హవ్యవాట్ ।
ధిమి-ద్ధిమి-ద్ధిమి-ధ్వనన్-మృదంగ-తుంగ-మంగళ
ధ్వని-క్రమ-ప్రవర్తిత ప్రచండ-తాండవః శివః ॥ ౧౧ ॥
దృషద్-విచిత్ర-తల్పయో-ర్భుజంగ-మౌక్తిక-స్రజోర్-
-గరిష్ఠ-రత్న-లోష్ఠయోః సుహృద్-విపక్ష-పక్షయోః ।
తృష్ణా-రవింద-చక్షుషోః ప్రజా-మహీ-మహేంద్రయోః
సమం ప్రవర్తయన్-మనః కదా సదాశివం భజే ॥ ౧౨ ॥
కదా నిలింప-నిర్ఝరీ-నికుంజ-కోటరే వసన్
విముక్త-దుర్మతిః సదా శిరఃస్థమ్-అంజలిం వహన్ ।
విముక్త-లోల-లోచనో లలాట-ఫాల-లగ్నకః
శివేతి మంత్రమ్-ఉచ్చరన్ సదా సుఖీ భవామ్యహమ్ ॥ ౧౩ ॥
ఇమం హి నిత్యమేవ-ముక్త-ముత్తమోత్తమం స్తవం
పఠన్-స్మరన్-బ్రువన్నరో విశుద్ధిమ్-ఏతి-సంతతమ్ ।
హరే గురౌ సుభక్తిమ్-ఆశు యాతి నాన్యథా గతిం
విమోహనం హి దేహినాం సుశంకరస్య చింతనమ్ ॥ ౧౪ ॥
(త్రివారమ్)
ఓం నమః శివాయ । ఓం నమః శివాయ । ఓం నమః శివాయ ।
ఓం నమః శివాయ । ఓం నమః శివాయ । ఓం నమః శివాయ ।
ఓం నమః శివాయ । ఓం నమః శివాయ । ఓం నమః శివాయ ।
ఓం నమః శివాయ । ఓం నమః శివాయ । ఓం నమః శివాయ ।
పూజా-వసాన-సమయే దశవక్త్రగీతం
యః శంభుపూజనపరం పఠతి ప్రదోషే ।
తస్య స్థిరాం రథ-గజేంద్ర-తురంగ-యుక్తాం
లక్ష్మీం సదైవ సుముఖీం ప్రదదాతి శంభుః ॥ ౧౫ ॥
ఇతి శ్రీరావణవిరచితం శివతాండవస్తోత్రం సంపూర్ణం ॥
Comments
Post a Comment