Shiva Tandava Stotram
jaṭāṭavī-galajjala-pravāha-pāvita-sthale
gale-valambya lambitāṁ bhujaṅga-tuṅga-mālikām |
ḍamaḍ-ḍamaḍ-ḍamaḍ-ḍaman-ninādavaḍ-ḍamarvayaṁ
cakāra caṇḍa-tāṇḍavaṁ tanotu naḥ śivaḥ śivam || 1 ||
jaṭā-kaṭāha-sambhrama-bhraman-nilimba-nirjharī-
-vilola-vīcivallarī-virāja-māna-mūrdhani |
dhagad-dhagad-dhagad-jvalal-lalāṭa-paṭṭa-pāvake
kiśora-candraśekhare ratiḥ pratikṣaṇaṁ mama || 2 ||
dharā-dharendra-nandinī-vilāsa-bandhu-bandhura
sphurad-diganta-santati-pramoda-māna-mānase |
kṛpākaṭākṣa-dhōraṇī-niruddha-durdharāpadi
kvacid-digambare mano vinodam-etu vastuni || 3 ||
jaṭā-bhujaṅga-piṅgala-sphurat-phaṇā-maṇi-prabhā
kadamba-kuṅkuma-drava-pralipta-digvadhū-mukhe |
madāndha-sindhura-sphurat-tvag-uttarīya-medure
mano vinodam-adbhutaṁ bibhartu bhūta-bhartari || 4 ||
sahasra-locana-prabhṛt-yaśeṣa-lekha-śekhara
prasūna-dhūli-dhōraṇī vidhūsarāṅghri-pīṭhabhūḥ |
bhujaṅga-rāja-mālayā nibaddha-jāṭa-jūṭaka
śriyai cirāya jāyatāṁ cakora-bandhu-śekharaḥ || 5 ||
lalāṭa-catvara-jvala-ddhanañjaya-sphuliṅga-bhā-
-nipīta-pañca-sāyakaṁ naman-nilimba-nāyakam |
sudhā-mayūkha-lekhayā virāja-māna-śekharaṁ
mahā-kapāli-sampade śiro-jaṭālam-astu naḥ || 6 ||
karāla-phāla-paṭṭikā-dhagad-dhagad-dhagad-jjvala-
-ddhanañjayādharī-kṛta-pracaṇḍa-pañca-sāyake |
dharā-dharendra-nandinī-kucāgra-citra-patraka-
-prakalpa-naika-śilpini trilocane matir-mama || 7 ||
navīna-megha-maṇḍalī niruddha-durdhara-sphurat-
kuhū-niśīthinī-tamaḥ prabandha-bandhu-kandharaḥ |
nilimba-nirjharī-dhara-stanotu kṛtti-sindhuraḥ
kalā-nidhāna-bandhuraḥ śriyaṁ jagad-durandharaḥ || 8 ||
praphulla-nīla-paṅkaja-prapañca-kālima-prabhā-
-vilambi-kaṇṭha-kandalī-ruci-prabaddha-kandharam |
smarac-chidaṁ purac-chidaṁ bhavac-chidaṁ makhac-chidaṁ
gajac-chidāndhaka-chidaṁ tamantaka-chidaṁ bhaje || 9 ||
agarva-sarva-maṅgalā-kalā-kadamba-mañjarī
rasa-pravāha-mādhurī vijṛmbhaṇā-madhu-vratam |
smarāntakaṁ purāntakaṁ bhavāntakaṁ makhāntakaṁ
gajāntakāndhakāntakaṁ tamantakāntakaṁ bhaje || 10 ||
jayatvad-bhravi-bhrama-bhramad-bhujaṅgamaśvasa-
-dvinirgamāt-krama-sphurat-karāla-phāla-havyavāṭ |
dhimi-ddhimi-ddhimi-dhvanan-mṛdaṅga-tuṅga-maṅgala
dhvani-krama-pravartita pracaṇḍa-tāṇḍavaḥ śivaḥ || 11 ||
dṛṣad-vicitra-talpayor-bhujaṅga-mauktika-srajōr-
-gariṣṭha-ratna-loṣṭayōḥ suhṛd-vipakṣa-pakṣayōḥ |
tṛṣṇā-ravinda-cakṣuṣōḥ prajā-mahī-mahendrayōḥ
samaṁ pravartayan-manaḥ kadā sadāśivaṁ bhaje || 12 ||
kadā nilimba-nirjharī-nikuñja-koṭare vasan
vimukta-durmatiḥ sadā śiraḥstham-añjaliṁ vahan |
vimukta-lola-locano lalāṭa-phāla-lagnakaḥ
śiveti mantram-uccaran sadā sukhī bhavāmyaham || 13 ||
imaṁ hi nityam-eva-mukta-muttamottamaṁ stavaṁ
paṭhan-smaran-bruvan-naro viśuddhim-eti-santatam |
hare gurau subhaktim-āśu yāti nānyathā gatiṁ
vimohanaṁ hi dehināṁ suśaṅkarasya cintanam || 14 || (3 times)
om namaḥ śivāya | om namaḥ śivāya | om namaḥ śivāya |
om namaḥ śivāya | om namaḥ śivāya | om namaḥ śivāya |
om namaḥ śivāya | om namaḥ śivāya | om namaḥ śivāya |
om namaḥ śivāya | om namaḥ śivāya | om namaḥ śivāya |
pūjā-vasāna-samaye daśavaktra-gītaṁ
yaḥ śambhu-pūjana-paraṁ paṭhati pradoṣe |
tasya sthirāṁ ratha-gajendra-turaṅga-yuktāṁ
lakṣmīṁ sadaiva sumukhīṁ pradadāti śambhuḥ || 15 ||
iti śrī-rāvaṇa-viracitaṁ śiva-tāṇḍava-stotram sampūrṇam ||
Comments
Post a Comment