Shiva Tandava Stotram - Kannada

ಶಿವ ತಾಂಡವ ಸ್ತೋತ್ರಂ

 

ಜಟಾಟವೀ-ಗಲಜ್ಜಲ-ಪ್ರವಾಹ-ಪಾವಿತ-ಸ್ಥಲೇ

ಗಲೇ-ವಲಂಬ್ಯ ಲಂಬಿತಾಂ ಭುಜಂಗ-ತುಂಗ-ಮಾಲಿಕಾಮ್ ।

ಡಮಡ್-ಡಮಡ್-ಡಮಡ್-ಡಮನ್-ನಿನಾದವಡ್-ಡಮರ್ವಯಂ

ಚಕಾರ ಚಂಡ-ತಾಂಡವಂ-ತನೋತು ನಃ ಶಿವಃ ಶಿವಮ್ ॥ 1 ॥

 

ಜಟಾ-ಕಟಾಹ-ಸಂಭ್ರಮ-ಭ್ರಮನ್-ನಿಲಿಂಪ-ನಿರ್ಝರೀ-

-ವಿಲೋಲ-ವೀಚಿವಲ್ಲರೀ-ವಿರಾಜ-ಮಾನ-ಮೂರ್ಧನಿ ।

ಧಗದ್-ಧಗದ್-ಧಗದ್-ಜ್ವಲಲ್ಲಲಾಟ-ಪಟ್ಟ-ಪಾವಕೇ

ಕಿಶೋರ-ಚಂದ್ರಶೇಖರೇ ರತಿಃ ಪ್ರತಿಕ್ಷಣಂ ಮಮ ॥ 2 ॥

 

ಧರಾ-ಧರೇಂದ್ರ-ನಂದಿನೀ-ವಿಲಾಸ-ಬಂಧು-ಬಂಧುರ

ಸ್ಫುರ-ದ್ದಿಗಂತ-ಸಂತತಿ-ಪ್ರಮೋದ-ಮಾನ-ಮಾನಸೇ ।

ಕೃಪಾಕಟಾಕ್ಷ-ಧೋರಣೀ-ನಿರುದ್ಧ-ದುರ್ಧರಾಪದಿ

ಕ್ವಚಿ-ದ್ದಿಗಂಬರೇ ಮನೋ ವಿನೋದಮ್-ಏತು ವಸ್ತುನಿ ॥ 3 ॥

 

ಜಟಾ-ಭುಜಂಗ-ಪಿಂಗಳ-ಸ್ಫುರತ್ಫಣಾ-ಮಣಿ-ಪ್ರಭಾ

ಕದಂಬ-ಕುಂಕುಮ-ದ್ರವ-ಪ್ರಲಿಪ್ತ-ದಿಗ್ವಧೂ-ಮುಖೇ ।

ಮದಾಂಧ-ಸಿಂಧುರ-ಸ್ಫುರತ್-ತ್ವಗ್-ಉತ್ತರೀಯ-ಮೇದುರೇ

ಮನೋ ವಿನೋದಮ್-ಅದ್ಭುತಂ ಬಿಭರ್ತು ಭೂತ-ಭರ್ತರಿ ॥ 4 ॥

 

ಸಹಸ್ರ-ಲೋಚನ-ಪ್ರಭೃತ್-ಯಶೇಷಲೇಖ-ಶೇಖರ

ಪ್ರಸೂನ-ಧೂಳಿ-ಧೋರಣೀ ವಿಧೂ-ಸರಾಂಘ್ರಿ-ಪೀಠಭೂಃ ।

ಭುಜಂಗ-ರಾಜ-ಮಾಲಯಾ ನಿಬದ್ಧ-ಜಾಟ-ಜೂಟಕ

ಶ್ರಿಯೈ-ಚಿರಾಯ ಜಾಯತಾಂ ಚಕೋರ-ಬಂಧು-ಶೇಖರಃ ॥ 5 ॥

 

ಲಲಾಟ-ಚತ್ವರ-ಜ್ವಲ-ದ್ಧನಂಜಯ-ಸ್ಫುಲಿಂಗ-ಭಾ-

-ನಿಪೀತ-ಪಂಚ-ಸಾಯಕಂ ನಮನ್-ನಿಲಿಂಪ-ನಾಯಕಮ್ ।

ಸುಧಾ-ಮಯೂಖ-ಲೇಖಯಾ ವಿರಾಜ-ಮಾನ-ಶೇಖರಂ

ಮಹಾ-ಕಪಾಲಿ-ಸಂಪದೇ-ಶಿರೋ-ಜಟಾಲಮ್-ಅಸ್ತು ನಃ ॥ 6 ॥

 

ಕರಾಲ-ಫಾಲ-ಪಟ್ಟಿಕಾ-ಧಗ-ದ್ಧಗ-ದ್ಧಗಜ್-ಜ್ವಲ-

ದ್ಧನಂಜಯಾ-ಧರೀ-ಕೃತ-ಪ್ರಚಂಡ-ಪಂಚ-ಸಾಯಕೇ ।

ಧರಾ-ಧರೇಂದ್ರ-ನಂದಿನೀ-ಕುಚಾಗ್ರ-ಚಿತ್ರ-ಪತ್ರಕ-

-ಪ್ರಕಲ್ಪ-ನೈಕ-ಶಿಲ್ಪಿನಿ ತ್ರಿಲೋಚನೇ ಮತಿರ್ಮಮ ॥ 7 ॥

 

ನವೀನ-ಮೇಘ-ಮಂಡಲೀ ನಿರುದ್ಧ-ದುರ್ಧರ-ಸ್ಫುರತ್-

ಕುಹೂ-ನಿಶೀಥಿನೀ-ತಮಃ ಪ್ರಬಂಧ-ಬಂಧು-ಕಂಧರಃ ।

ನಿಲಿಂಪ-ನಿರ್ಝರೀ-ಧರ-ಸ್ತನೋತು ಕೃತ್ತಿ-ಸಿಂಧುರಃ

ಕಳಾ-ನಿಧಾನ-ಬಂಧುರಃ ಶ್ರಿಯಂ ಜಗದ್-ದುರಂಧರಃ ॥ 8 ॥

 

ಪ್ರಫುಲ್ಲ-ನೀಲ-ಪಂಕಜ-ಪ್ರಪಂಚ-ಕಾಲಿಮ-ಪ್ರಭಾ-

-ವಿಲಂಬಿ-ಕಂಠ-ಕಂದಲೀ-ರುಚಿ-ಪ್ರಬದ್ಧ-ಕಂಧರಮ್ ।

ಸ್ಮರಚ್ಛಿದಂ ಪುರಚ್ಛಿದಂ ಭವಚ್ಛಿದಂ ಮಖಚ್ಛಿದಂ

ಗಜಚ್ಛಿದಾಂಧ-ಕಚ್ಛಿದಂ ತಮಂತಕಚ್ಛಿದಂ ಭಜೇ ॥ 9 ॥

 

ಅಗರ್ವ-ಸರ್ವ-ಮಂಗಳಾ-ಕಳಾ-ಕದಂಬ-ಮಂಜರೀ

ರಸ-ಪ್ರವಾಹ-ಮಾಧುರೀ ವಿಜೃಂಭಣಾ-ಮಧು-ವ್ರತಮ್ ।

ಸ್ಮರಾಂತಕಂ ಪುರಾಂತಕಂ ಭವಾಂತಕಂ ಮಖಾಂತಕಂ

ಗಜಾಂತ-ಕಾಂಧ-ಕಾಂತಕಂ ತಮಂ-ತಕಾಂತಕಂ ಭಜೇ ॥ 10 ॥

 

ಜಯತ್ವದ-ಭ್ರವಿ-ಭ್ರಮ-ಭ್ರಮದ್-ಭುಜಂಗಮಶ್ವಸ-

-ದ್ವಿನಿರ್ಗಮತ್-ಕ್ರಮ-ಸ್ಫುರತ್-ಕರಾಲ-ಫಾಲ-ಹವ್ಯವಾಟ್ ।

ಧಿಮಿ-ದ್ಧಿಮಿ-ದ್ಧಿಮಿ-ಧ್ವನನ್-ಮೃದಂಗ-ತುಂಗ-ಮಂಗಳ

ಧ್ವನಿ-ಕ್ರಮ-ಪ್ರವರ್ತಿತ ಪ್ರಚಂಡ-ತಾಂಡವಃ ಶಿವಃ ॥ 11 ॥

 

ದೃಷದ್-ವಿಚಿತ್ರ-ತಲ್ಪಯೋ-ರ್ಭುಜಂಗ-ಮೌಕ್ತಿಕ-ಸ್ರಜೋರ್-

-ಗರಿಷ್ಠ-ರತ್ನ-ಲೋಷ್ಠಯೋಃ ಸುಹೃದ್-ವಿಪಕ್ಷ-ಪಕ್ಷಯೋಃ ।

ತೃಷ್ಣಾ-ರವಿಂದ-ಚಕ್ಷುಷೋಃ ಪ್ರಜಾ-ಮಹೀ-ಮಹೇಂದ್ರಯೋಃ

ಸಮಂ ಪ್ರವರ್ತಯನ್ಮನಃ ಕದಾ ಸದಾಶಿವಂ ಭಜೇ ॥ 12 ॥

 

ಕದಾ ನಿಲಿಂಪ-ನಿರ್ಝರೀ-ನಿಕುಂಜ-ಕೋಟರೇ ವಸನ್

ವಿಮುಕ್ತ-ದುರ್ಮತಿಃ ಸದಾ ಶಿರಃಸ್ಥಮ್-ಅಂಜಲಿಂ ವಹನ್ ।

ವಿಮುಕ್ತ-ಲೋಲ-ಲೋಚನೋ ಲಲಾಟ-ಫಾಲ-ಲಗ್ನಕಃ

ಶಿವೇತಿ ಮಂತ್ರಮ್-ಉಚ್ಚರನ್ ಸದಾ ಸುಖೀ ಭವಾಮ್ಯಹಮ್ ॥ 13 ॥

 

ಇಮಂ ಹಿ ನಿತ್ಯಮೇವ-ಮುಕ್ತ-ಮುತ್ತಮೋತ್ತಮಂ ಸ್ತವಂ

ಪಠನ್-ಸ್ಮರನ್-ಬ್ರುವನ್ನರೋ ವಿಶುದ್ಧಿಮ್-ಏತಿ-ಸಂತತಮ್ ।

ಹರೇ ಗುರೌ ಸುಭಕ್ತಿಮ್-ಆಶು ಯಾತಿ ನಾನ್ಯಥಾ ಗತಿಂ

ವಿಮೋಹನಂ ಹಿ ದೇಹಿನಾಂ ಸುಶಂಕರಸ್ಯ ಚಿಂತನಮ್ ॥ 14 ॥ (3 times) 

 

ಓಂ ನಮಃ ಶಿವಾಯಾ | ಓಂ ನಮಃ ಶಿವಾಯಾ | ಓಂ ನಮಃ ಶಿವಾಯಾ | 

 

ಓಂ ನಮಃ ಶಿವಾಯಾ | ಓಂ ನಮಃ ಶಿವಾಯಾ | ಓಂ ನಮಃ ಶಿವಾಯಾ | 

 

ಓಂ ನಮಃ ಶಿವಾಯಾ | ಓಂ ನಮಃ ಶಿವಾಯಾ | ಓಂ ನಮಃ ಶಿವಾಯಾ | 

 

ಓಂ ನಮಃ ಶಿವಾಯಾ | ಓಂ ನಮಃ ಶಿವಾಯಾ | ಓಂ ನಮಃ ಶಿವಾಯಾ | 

 

ಪೂಜಾ-ವಸಾನ-ಸಮಯೇ ದಶವಕ್ತ್ರಗೀತಂ 

ಯಃ ಶಂಭುಪೂಜನಪರಂ ಪಠತಿ ಪ್ರದೋಷೇ ।

ತಸ್ಯ ಸ್ಥಿರಾಂ ರಥ-ಗಜೇಂದ್ರ-ತುರಂಗ-ಯುಕ್ತಾಂ

ಲಕ್ಷ್ಮೀಂ ಸದೈವ ಸುಮುಖಿಂ ಪ್ರದದಾತಿ ಶಂಭುಃ ॥ 15 ॥

 

ಇತಿ ಶ್ರೀರಾವಣವಿರಚಿತಂ ಶಿವತಾಂಡವಸ್ತೋತ್ರಂ ಸಂಪೂರ್ಣಂ ॥