ಶ್ರೀ ನರಸಿಂಹ ಅಷ್ಟೋತ್ತರಶತನಾಮ ಸ್ತೋತ್ರಂ
ಶ್ರೀನೃಸಿಂಹಃ ಪುಷ್ಕರಾಕ್ಷಃ / ಕರಾಳ-ವಿಕೃತಾನನಃ ।
ಹಿರಣ್ಯಕಶಿಪೋರ್ವಕ್ಷೋ-ವಿದಾರಣ-ನಖಾಂಶುಕಃ || ೧ ||
ಪ್ರಹ್ಲಾದವರದಃ ಶ್ರೀಮಾನ್-ಅಪ್ರಮೇಯ-ಪರಾಕ್ರಮಃ |
ಅಭಕ್ತ-ಜನ-ಸಂಹಾರೀ ಭಕ್ತಾನಾಮ್-ಅಭಯಪ್ರದಃ || ೨ ||
ಜ್ವಾಲಾಮುಖಸ್-ತೀಕ್ಷ್ಣಕೇಶಸ್-ಥೀಕ್ಷ್ಣ-ದಂಷ್ಟ್ರೋ ಭಯಂಕರಃ |
ಉತ್ತಪ್ತ-ಹೇಮಸಂಕಾಶ-ಸಟಾಧೂತ-ಬಲಾಹಕಃ || ೩ ||
ತ್ರಿನೇತ್ರಃ ಕಪಿಲಃ ಪ್ರಾಂಶುಃ ಸೋಮ-ಸೂರ್ಯಾಗ್ನಿ-ಲೋಚನಃ |
ಸ್ಥೂಲಗ್ರೀವಃ ಪ್ರಸನ್ನಾತ್ಮಾ ಜಾಂಬೂನದ-ಪರಿಷ್ಕೃತಃ || ೪ ||
ವ್ಯೋಮಕೇಶ-ಪ್ರಭೃತಿಭಿಃ / ತ್ರಿದಿವೇಶೈರ್-ಅಭಿಷ್ಟುತಃ |
ಉಪಸಂಹೃತ-ಸಪ್ತಾರ್ಚಿಃ / ಕಬಳೀಕೃತ-ಮಾರುತಃ || ೫ ||
ದಿಗ್-ದಂತಾವಲ-ದರ್ಪಘ್ನಃ / ಕದ್ರೂಜ-ವಿಷನಾಶನಃ |
ಆಭಿಚಾರ-ಕ್ರಿಯಾ-ಹಂತಾ / ಬ್ರಹ್ಮಣ್ಯೋ ಭಕ್ತವತ್ಸಲಃ || ೬ ||
ಸಮುದ್ರ-ಸಲಿಲತ್ರಾತಾ / ಹಾಲಹಲ-ವಿಶೀರ್ಣಕೃತ್ |
ಓಜಃ-ಪ್ರಪೂರಿತಾಶೇಷ-/ ಚರಾಚರ-ಜಗತ್-ತ್ರಯಃ || ೭ ||
ಹೃಷೀಕೇಶೋ ಜಗತ್ಪ್ರಾಣಃ / ಸರ್ವಜ್ಞಃ ಸರ್ವಕಾಮದಃ |
ನಾಸ್ತಿಕ-ಪ್ರತ್ಯಯಾರ್ಥಾಯ / ದರ್ಶಿತಾತ್ಮ-ಪ್ರಭಾವವಾನ್ || ೮ ||
ಹಿರಣ್ಯಕಶಿಪೋರಗ್ರೇ / ಸಭಾಸ್ತಂಭ-ಸಮುದ್ಭವಃ |
ಉಗ್ರೋಽಗ್ನಿ-ಜ್ವಾಲಮಾಲೀ ಚ / ಸುತೀಕ್ಷ್ಣೋ ಭೀಮದರ್ಶನಃ || ೯ ||
ದಗ್ಧಾಖಿಲ-ಜಗಜ್ಜಂತುಃ / ಕಾರಣಂ ಜಗತಾಮಪಿ |
ಆಧಾರಃ ಸರ್ವಭೂತಾಮ್ / ಈಶ್ವರಃ ಸರ್ವಹಾರಕಃ || ೧೦ ||
ವಿಷ್ಣುರ್ಜಿಷ್ಣುರ್ಜಗದ್-ಧಾತಾ ಬಹಿರಂತಃ-ಪ್ರಕಾಶಕಃ |
ಯೋಗಿಹೃತ್ ಪದ್ಮ-ಮಧ್ಯಸ್ಥೋ ಯೋಗೋ ಯೋಗವಿದುತ್ತಮಃ || ೧೧ ||
ಸ್ರಷ್ಟಾ ಹರ್ತಾಽಖಿಲ-ತ್ರಾತಾ / ವ್ಯೋಮರೂಪೀ ಜನಾರ್ದನಃ |
ಚಿನ್ಮಯಪ್ರಕೃತಿಃ ಸಾಕ್ಷೀ / ಗುಣಾತೀತೋ ಗುಣಾತ್ಮಕಃ || ೧೨ ||
ಪಾಶವಿಚ್ಛೇದ-ಕೃತ್ ಕರ್ತಾ / ಸರ್ವಪಾಪ-ವಿನಿಸೃತಃ |
ವ್ಯಕ್ತಾವ್ಯಕ್ತ-ಸ್ವರೂಪೋಽಜಃ / ಸೂಕ್ಷ್ಮಃ ಸದಸದಾತ್ಮಕಃ || ೧೩ ||
ಅವ್ಯಯಃ ಶಾಶ್ವತೋಽನಂತೋ / ವಿಜಯೀ ಪರಮೇಶ್ವರಃ |
ಮಾಯಾವೀ ಮರುದಾಧಾರೋ / ನಿಮಿಷೋಽಕ್ಷರ ಏವ ಚ || ೧೪ ||
ಅನಾದಿ-ನಿಧನೋ ನಿತ್ಯಃ / ಪರಬ್ರಹ್ಮಾ-ಭಿಧಾಯುತಃ |
ಶಂಖ-ಚಕ್ರ-ಗದಾ-ಶಾರ್ಙ್ಗ / ಪ್ರಕಾಶಿತ-ಚತುರ್ಭುಜಃ || ೧೫ ||
ಪೀತಾಂಬರಧರಃ ಸ್ರಗ್ವೀ / ಕೌಸ್ತುಭಾಭರಣೋಜ್ಜ್ವಲಃ |
ಶ್ರೀಯಾಽಧ್ಯಾಸಿತ ವಾಮಾಂಕಃ / ಶ್ರೀವತ್ಸೇನ ವಿರಾಜಿತಃ || ೧೬ ||
ಪ್ರಸನ್ನ-ವದನಃ ಶಾಂತೋ / ಲಕ್ಷ್ಮೀಪ್ರಿಯ-ಪರಿಗ್ರಹಃ |
ವಾಸುದೇವೋಽರ್ಹಸತ್-ಪುಷ್ಪೈಃ ಪ್ರಹ್ಲಾದೇನ ಪ್ರಪೂಜಿತಃ || ೧೭ ||
ಉದ್ಯತ್ ಕನಕನಾಕಾರ / ಭೀಷಿತಾಖಿಲ-ದಿಙ್ಮುಖಃ |
ಗರ್ಜನ್ ವೀರಾಸನಾಸೀನಃ / ಕಠೋರ-ಕುಟಿಲೇಕ್ಷಣಃ || ೧೮ ||
ದೈತೇಯಕ್ಷತ-ವಕ್ಷೋಽಸೃಗ್ / ಆರ್ದ್ರೀ-ಕೃತ-ನಖಾಯುಧಃ |
ಅಶೇಷ-ಪ್ರಾಣಿ-ಭಯದ-ಪ್ರಚಂಡೋದ್ದಂಡ-ತಾಂಡವಃ || ೧೯ ||
ನಿಟಿಲ-ಸ್ರುತ-ಘರ್ಮಾಂಬು / ಸಂಭೂತ-ಜ್ವಲಿತಾನನಃ |
ವಜ್ರಸಿಂಹೋ ಮಹಾಮೂರ್ತಿರ್ /ಭೀಮೋ ಭೀಮಪರಾಕ್ರಮಃ |
ಸ್ವಭಕ್ತಾರ್ಪಿತ-ಕಾರುಣ್ಯೋ / ಬಹುದೋ ಬಹುರೂಪವಾನ್ || ೨೦ ||
ಏವಮಷ್ಟೋತ್ತರಶತಂ / ನಾಮ್ನಾಂ ನೃಹರಿರೂಪಿಣಃ |
ನರಕೇಸರಿಣಾಂ ದತ್ತಂ / ಸ್ವಪ್ನೇ ಶೇಷಾಯ ಧೀಮತೇ || ೨೧ ||
ಸರ್ವಪಾಪ-ಪ್ರಶಮನಂ /ಸರ್ವೋಪದ್ರವ-ನಾಶನಮ್ |
ಆಯುರಾರೋಗ್ಯ-ಸಂಪತ್ತಿ / ಪುತ್ರ-ಪೌತ್ರ-ಪ್ರವರ್ಧನಮ್ |
ತ್ರಿಕಾಲಮೇಕಕಾಲಂ ವಾ / ಪಠನ್ ಸಿದ್ಧಿಮವಾಪ್ನುಯಾತ್ || ೨೨ ||
ಯಸ್ತು ಶೃಂಖಾಲಯಾ ಬದ್ಧಃ / ಪಾಶೈಃ ಕಾರಾಗ್ರಹೇಽಥವಾ |
ಸಹಸ್ರಂ ಪಾಠಯೇದ್ ವಿಪ್ರೈರ್ / - ಬಂಧಾತ್-ಶೀಘ್ರಂ ಪ್ರಮುಚ್ಯತೇ || ೨೩ ||
ಶತ್ರುಭಿಃ ಪೀಡಿತೋ ಯಸ್ತು / ಕಂಠಲಗ್ನಜಲೇ ವಸನ್ |
ಆದಿತ್ಯಾಭಿಮುಖಸ್-ತಿಷ್ಠನ್ / ಊರ್ಧ್ವ-ಬಾಹುಃ ಶತಂ ಜಪೇತ್ |
ಸ ಹರೇದ್-ಅಹಿತಾನ್ ಶೀಘ್ರಮ್-ಏವಮ್-ಉಚ್ಚಾಟನಂ ಭವೇದ್ || ೨೪ ||
ಮಹಾವ್ಯಾಧಿ-ಪರಿಗ್ರಸ್ತೋ / ಜಪೇದ್-ಹರಿರರಾಲಯೇ |
ಸ ಪುಮಾನ್-ಅಯುತಾವೃತ್ತ್ಯಾ / ವ್ಯಾಧಿನಾ ಪ್ರವಿಮುಚ್ಯತೇ || ೨೫ ||
ಯತ್ರಕುತ್ರ ಯಥಾಶಕ್ತಿ / ಶ್ರೀಕಾಮೀ ಸತತಂ ಜಪೇತ್ |
ಷಣ್ಮಾಸಾತ್-ಶ್ರಿಯಮಾಪ್ನೋತಿ / ವೃತ್ತಿಂ ಚೈವಾನಪಾಯಿನೀಮ್ || ೨೬ ||
ಬ್ರಹ್ಮರಾಕ್ಷಸ ವೇತಾಳ / ಪಿಶಾಚೋರಗ-ರಾಕ್ಷಸೈಃ |
ಪ್ರಾಪ್ತೇ ಭಯೇ ಶತಾವೃತ್ತ್ಯಾ / ತತ್-ಕ್ಷಣಾತ್ ಸ ವಿಮುಚ್ಯತೇ || ೨೭ ||
ಯಂಯಂ ಚಿಂತಯತೇ ಕಾಮಂ / ತಂತಂ ಕಾಮಮ್-ಅವಾಪ್ನುಯಾತ್ |
ಅಕಾಮೀ ಪಠತೇ ಯಸ್ತು / ಸತತಂ ವಿಜಿತೇಂದ್ರಿಯಃ |
ಸರ್ವಪಾಪ-ವಿನಿರ್ಮುಕ್ತಃ / ಸ ಯಾತಿ ಪರಮಾಂ ಗತಿಮ್ || ೨೮ ||
|| ಇತಿ ಶ್ರೀನೃಸಿಂಹ-ಅಷ್ಟೋತ್ತರ/ಶತನಾಮಸ್ತೋತ್ರಂ ಸಂಪೂರ್ಣಮ್ || ಶ್ರೀಕೃಷ್ಣಾರ್ಪಣಮಸ್ತು ||
Comments
Post a Comment