Shree Rama AapadudhAraka stotram
श्री राम आपदुद्धारक स्तोत्रम्
आपदामपहर्तारं दातारं सर्वसंपदाम् ।
लोकाभिरामं श्रीरामं भूयो भूयो नमाम्यहम् ॥
नमः कोदण्डहस्ताय सन्धीकृतशराय च ।
खण्डिताखिलदैत्याय रामायापन्निवारिणे ॥ 1 ॥
रामाय रामभद्राय रामचन्द्राय वेधसे ।
रघुनाथाय नाथाय सीतायाः पतये नमः ॥ 2 ॥
अग्रतः पृष्ठतश्चैव पार्श्वतश्च महाबलौ ।
आकर्णपूर्णधन्वानौ रक्षेतां रामलक्ष्मणौ ॥ 3 ॥
सन्नद्धः कवची खड्गी चापबाणधरो युवा ।
गच्छन् ममाग्रतो नित्यं रामः पातु सलक्ष्मणः ॥ 4 ॥
अच्युतानन्द गोविन्द नामोच्चारणभेषजात् ।
नश्यन्ति सकला रोगाः सत्यं सत्यं वदाम्यहम् ॥ 5 ॥
सत्यं सत्यं पुनः सत्यं उद्धृत्य भुजमुच्यते ।
वेदशास्त्रात् परं नास्ति न दैवं केशवात् परम् ॥ 6 ॥
शरीरे जर्जरीभूते व्याधिग्रस्ते कलेवरे ।
औषधं जाह्नवीतोयं वैद्यो नारायणो हरिः ॥ 7 ॥
आलोड्य सर्वशास्त्राणि विचार्य च पुनः पुनः ।
इदमेकं सुनिश्चितं ध्येयो नारायणः प्रभुः ॥ 8 ॥
कायेन वाचा मनसेन्द्रियैर्वा
बुद्ध्यात्मना वा प्रकृतेः स्वभावात् ।
करोमि यद्यत् सकलं परस्मै
नारायणायेति समर्पयामि ॥ 9 ॥
ಶ್ರೀ ರಾಮ ಆಪದುದ್ಧಾರಕ
ಸ್ತೋತ್ರಂ
ಆಪದಾಮಪಹರ್ತಾರಂ ದಾತಾರಂ ಸರ್ವಸಂಪದಾಮ್ ।
ಲೋಕಾಭಿರಾಮಂ ಶ್ರೀರಾಮಂ ಭೂಯೋ ಭೂಯೋ ನಮಾಮ್ಯಹಮ್ ॥
ನಮಃ ಕೋದಂಡಹಸ್ತಾಯ ಸಂಧೀಕೃತಶರಾಯ ಚ ।
ಖಂಡಿತಾಖಿಲದೈತ್ಯಾಯ ರಾಮಾಯಾಪನ್ನಿವಾರಿಣೇ ॥ 1 ॥
ರಾಮಾಯ ರಾಮಭದ್ರಾಯ ರಾಮಚಂದ್ರಾಯ ವೇಧಸೇ ।
ರಘುನಾಥಾಯ ನಾಥಾಯ ಸೀತಾಯಾಃ ಪತಯೇ ನಮಃ ॥ 2 ॥
ಅಗ್ರತಃ ಪೃಷ್ಠತಶ್ಚೈವ ಪಾರ್ಶ್ವತಶ್ಚ ಮಹಾಬಲೌ ।
ಆಕರ್ಣಪೂರ್ಣಧನ್ವಾನೌ ರಕ್ಷೇತಾಂ ರಾಮಲಕ್ಷ್ಮಣೌ ॥ 2 ॥
ಸನ್ನದ್ಧಃ ಕವಚೀ ಖಡ್ಗೀ ಚಾಪಬಾಣಧರೋ ಯುವಾ ।
ಗಚ್ಛನ್ ಮಮಾಗ್ರತೋ ನಿತ್ಯಂ ರಾಮಃ ಪಾತು ಸಲಕ್ಷ್ಮಣಃ ॥ 3 ॥
ಅಚ್ಯುತಾನಂದ ಗೋವಿಂದ ನಾಮೋಚ್ಚಾರಣ ಭೇಷಜಾತ್ ।
ನಶ್ಯಂತಿ ಸಕಲಾ ರೋಗಾಃ ಸತ್ಯಂ ಸತ್ಯಂ ವದಾಮ್ಯಹಂ ॥ 4 ॥
ಸತ್ಯಂ ಸತ್ಯಂ ಪುನಃ ಸತ್ಯಮ್ ಉದ್ಧೃತ್ಯ ಭುಜಮುಚ್ಯತೇ ।
ವೇದಶಾಸ್ತ್ರಾತ್ ಪರಂ ನಾಸ್ತಿ ನ ದೈವಂ ಕೇಶವಾತ್ ಪರಮ್ ॥ 5 ॥
ಶರೀರೇ ಜರ್ಜರೀಭೂತೇ, ವ್ಯಾಧಿಗ್ರಸ್ತೇ ಕಳೇವರೇ |
ಔಷಧಂ ಜಾಹ್ನವೀ ತೋಯಂ, ವೈದ್ಯೋ ನಾರಾಯಣೋ ಹರಿಃ ॥ 6 ॥
ಆಲೋಡ್ಯ ಸರ್ವಶಾಸ್ತ್ರಾಣಿ ವಿಚಾರ್ಯ ಚ ಪುನಃ ಪುನಃ |
ಇದಮೇಕಂ ಸುನಿಷ್ಪನ್ನಂ ಧ್ಯೇಯೋ ನಾರಾಯಣಃ ಪ್ರಭುಃ ॥ 7 ॥
ಕಾಯೇನ ವಾಚಾ ಮನಸೇಂದ್ರಿಯೈರ್ವಾ
ಬುದ್ಧ್ಯಾತ್ಮನಾ ವಾ ಪ್ರಕೃತೇಃ ಸ್ವಭಾವಾತ್ |
ಕರೋಮಿ ಯದ್ಯತ್ ಸಕಲಂ ಪರಸ್ಮೈ
ನಾರಾಯಣಾಯೇತಿ ಸಮರ್ಪಯಾಮಿ ॥ 8 ॥
śrī rāma āpaduddhāraka stotram
āpadām apahartāraṁ dātāraṁ sarva-sampadām ।
lokābhirāmaṁ śrīrāmaṁ bhūyo bhūyo namāmyaham ॥
namaḥ kōdaṇḍa-hastāya sandhīkṛta-śarāya ca ।
khaṇḍitākhila-daityāya rāmāyāpanna-vāriṇe ॥ 1 ॥
rāmāya rāmabhadrāya rāmacandrāya vēdhasē ।
raghunāthāya nāthāya sītāyāḥ patayē namaḥ ॥ 2 ॥
agrataḥ pṛṣṭhataścaiva pārśvataśca mahābalau ।
ākarṇa-pūrṇa-dhanvānau rakṣetāṁ rāma-lakṣmaṇau ॥ 3 ॥
sannaddhaḥ kavacī khaḍgī cāpa-bāṇa-dharō yuvā ।
gacchan mamāgrato nityaṁ rāmaḥ pātu sa-lakṣmaṇaḥ ॥ 4 ॥
acyutānanda govinda nāmocchāraṇa bhēṣajāt ।
naśyanti sakalā rōgāḥ satyaṁ satyaṁ vadāmyaham ॥ 5 ॥
satyaṁ satyaṁ punaḥ satyam uddhṛtya bhujam ucyatē ।
vēda-śāstrāt paraṁ nāsti na daivaṁ kēśavāt param ॥ 6 ॥
śarīrē jarjarī-bhūtē vyādhi-grastē kalēvarē ।
auṣadhaṁ jāhnavī-tōyaṁ vaidyo nārāyaṇō hariḥ ॥ 7 ॥
ālōḍya sarva-śāstrāṇi vicārya ca punaḥ punaḥ ।
idam ēkaṁ suniṣpannaṁ dhyēyō nārāyaṇaḥ prabhuḥ ॥ 8 ॥
kāyēna vācā manasēndriyairvā
buddhyātmanā vā prakṛtēḥ svabhāvāt ।
karōmi yadyat sakalaṁ parasmai
nārāyaṇāyēti samarpayāmi ॥ 9 ॥
Comments
Post a Comment